يوم ميلاد

موضوع: يوم ميلاد الجمعة مايو 24, 2019 12:48 am

السلام عليكم ورحمة الله وبركاته

اهلا وسهلا بيكم اخوتي الطيبين اخواتي الغاليات
شلونكم شلون الصيام وياكم ان شاء الله كلكم بخير
ياربي يتقبل منكم ويستجيب الكم دعواتكم

.
.
.

نجي للموضوع الاصلي اللي گلت اشارككم بي
البارحة كان يوم 23.5 محد بيكم اتذكر شنو صار بهاليوم !
ولا فكرتوا شگد مهم بالنسبة الكم وشنو اضاف لحياتكم ؟
يمعودين على بختكم البارحة اجتي هاي الورادية للدنيا
وشفتوها شگد كيوت وهيك امورة ولوما هاليوم كان ما كانت وياكم

يمعودين ما عرفتوا منو هي ؟ ولكم هاي آني خخ
اييييي آنييييييي بعلو صوتي خخخخ
ما بالغت بوصف نفسي مو خخ

انتظرت البارحة بقيت اترقب گلت يجوز احد يتذكر ويفاجئني خخ
ادري مشغولين وكلمن ملتهي بحاله ومعذورين بس گلت خلي اشوف يجوز اكو احد ما ناسيني
بس ماكو فرق ان شاء الله گلت اشارككم وتحتفلون بيه وتهنوني وتتمنولي اشياءات حلوة ههههه

ولانكم غالين عندي وكلش بشكل ما تتصوروه حبيت افرح وياكم
وعمري يزيد واكبر وياكم لان كلش صرتوا جزء من روحي
واحمد ربي واشكره انو كتبلي اسجل بالمنتدى واتعرف عليكم وتصيرون عائلتي الثانية

ياربي طول العمر تبقون عائلتي وطول العمر تبقون غالين عندي
وهيك ابقى وفية وتبقى محبتي الكم تكبر كلما يزيد عمري يوم

كل عام وتبقون احبابي وتبقى طيبة قلوبكم تسعدني
كل عام وانتو حولي وانتو عائلتي وابقى اختكم اللي ما الها غنى عنكم
ربي لا يحرمني منكم ويسعدكم وبقى محبتكم بقلبي

موضوع: رد: يوم ميلاد السبت مايو 25, 2019 4:40 pm

حبيبتي كل عام وانتي بمليون خير
يا رب سنه وباقي السنين خاليه من الهم والحزن بس سعاده وفرح
اتمنالج عمر سعيد تستاهلين كل خير
وجااان تكبر سنه♥

موضوع: رد: يوم ميلاد السبت مايو 25, 2019 6:10 pm

يمعودة خجلتينا والله

تعرفين الجوع والعطش وباقي الامور نستنا

حقك علينا يااحلى ورداية

كل عام وانتي بخير

يارب اشوفك عروسة بيوم ميلادك القادم

واللي بعده على ايدك طفل

شكرا :. عالتوقيع اللي يجنن

موضوع: رد: يوم ميلاد الثلاثاء مايو 28, 2019 12:08 am

Biman كتب:: حبيبتي كل عام وانتي بمليون خير
يا رب سنه وباقي السنين خاليه من الهم والحزن بس سعاده وفرح
اتمنالج عمر سعيد تستاهلين كل خير
وجااان تكبر سنه♥

اهلا حبيبتي نورتي
وانتي بخير وسلامة يارب
تسلميلي عالدعوات الحلوة مثلك ربي يسعدك
آمين يارب والك بالاحسن

فدوة حبيبتي يخليك لاهلك ويحفظك

موضوع: رد: يوم ميلاد الثلاثاء مايو 28, 2019 12:13 am

بغـــــداد كتب:: يمعودة خجلتينا والله

تعرفين الجوع والعطش وباقي الامور نستنا

حقك علينا يااحلى ورداية

كل عام وانتي بخير

يارب اشوفك عروسة بيوم ميلادك القادم
واللي بعده على ايدك طفل

اهلين بغدودة الغالية نورتيني

ههههههههه لا يمعودة لا تخجلي ولا على بالك
اعرف بيكم معذورين بس هيك حطيت الموضوع افرح وياكم
وجودك وردك كافي حبي لا تشغلي بالك

وانتي بخير وسعادة يارب
تسلميلي وانتي حاضرة ان شاء الله

اسعدني مرورك

موضوع: رد: يوم ميلاد الجمعة يونيو 07, 2019 7:10 pm

وعليكم السلام ورحمة الله

اسعاد الله اوقاتك غالية روح

اعرف اني متأخرة كثير اعذريني

هيك انشغالات وكلشي نسينا

وحتى لو متاخرة اقول كل عام وانتي بخير

وكل عام وانتي معنا متميزة ومتألقة

عقبال مية سنة

تحياتي

موضوع: رد: يوم ميلاد الأربعاء يونيو 19, 2019 9:23 am

عيد ميلاد سعيد وكل عام وانتي بخير ومن خير الى خير اكبر
يارب تحقيق ما تصبي اليه ويجعل السعادة تسري في شرايينك سرياناً ويجعل السعادة تعم من حولك
ميلاد سعيد ولو انها متأخرة لكن اسفه جداً لم أكن اعلم
يارب عقبال 100 عام سعيد

موضوع: رد: يوم ميلاد الأحد يونيو 23, 2019 10:00 pm

emily star كتب:: وعليكم السلام ورحمة الله
اسعاد الله اوقاتك غالية روح

اعرف اني متأخرة كثير اعذريني
هيك انشغالات وكلشي نسينا
وحتى لو متاخرة اقول كل عام وانتي بخير
وكل عام وانتي معنا متميزة ومتألقة
عقبال مية سنة

تحياتي

اهلين بالامورة ايملي
ربي يسعد قلبك عالطلة الحلوة

لا حبيبتي عادي ولايهمك اهم شي نورتيني
وانتي بخير وسلامة يارب
اشكرك عالدعوة الحلوة مثلك تسلمي
يارب بوجوك تحلى

نورتي يا هلا وسهلا

موضوع: رد: يوم ميلاد الأحد يونيو 23, 2019 10:02 pm

Shylla كتب:: عيد ميلاد سعيد وكل عام وانتي بخير ومن خير الى خير اكبر
يارب تحقيق ما تصبي اليه ويجعل السعادة تسري في شرايينك سرياناً ويجعل السعادة تعم من حولك
ميلاد سعيد ولو انها متأخرة لكن اسفه جداً لم أكن اعلم
يارب عقبال 100 عام سعيد

اهلا حياتي شيلا فرحني وجودك

ربي يسعد قلبك ويسعدك دنيا وآخرة
تسلميلي كلش عالامنيات الحلوة والدعوات الغالية
ياربي يكون الك منها نصيب الاوفر

عادي حبيبتي لا تشغلي بالك
وجودك وتهنئتك كافية

الله يسعدك مثلما اسعدتيني بردك الحلو

موضوع: رد: يوم ميلاد الإثنين يونيو 24, 2019 8:15 am

كل عام وانتي بالف خير يارب

موضوع: رد: يوم ميلاد السبت يونيو 29, 2019 5:56 pm

وا حجه كل عاااام وانتي با الف الف الف خير اسف على التأخير يا حجه
سامحينا يلا عاقبيني مستعد لعقابك وا حجه خفي عليا ههههه

» عيد ميلاد مهم
» يوم ميلاد سعيد "حبيبتي لين"
» بمناسبة عيد ميلاد ماري إانطوانيت
» عيد ميلاد صديقة غالية
» ميلاد سعيد حبيبتي