[ "درس مبسط لآتقان رسم شعر شخصيات الآنمي" ]

<blockquote class="postcontent restore ">

امآ بعد ..

اهلاً وسهلاً بكآفة رواد قسمنآ العزيز موآهب الاعضآء بالرسم ..
كما هو موضح بعنوان الموضوع وهو [ درس مبسط لكيفية اتقان رسم شعر شخصيات الانمي ]

ولنظراً لوجود العديد من التساؤلات حول هذا الموضوع
بموضوع تساؤلات المتعلقه بالقسم فقررنا فتح موضوع منفصل خاص عن رسم الشعر
من شرحي وتنسيقي ..

بسم الله نبدأ ,,

بنقسم العمل على 7 خطوآت يرجى من الجميع آحضار الاقلام والكرآسات والمتابعة جيداً ..



الخطوة الاولى ~






اول شي ارسموا حدود رأس الشخصية ولاحظوا انكم مو محتاجين انكم تخلون الراس كبير لاننا راح نضيف نضيف كثافة للشعر بعدين ,,




الخطوة الثانيه ~




عند رسم الشعر ابدؤا من بداية الرأس و هذا الجزء مهم حيل لأنه يحدد للوجه اطار وفيه كثير من الاشكال لتختار بينهم ..

مموج او مرتب ..
منسدل..
نازل على الوجه ..
مسحوب الى الخلف ..



بداية الشعر مهمة لانها تحدد اتجاه باقي الشعر اللي
لازم نرسمه كله بنفس الاتجاه فـأبدؤا من اعلى الرأس وبعدين كملوا لين تحت و
انهي الخط بآخر او مؤخرة الرأس ..

وهني صور لبعض الاشكال الاساسية اللي تقدرون تستخدمونها عشان تسوون مئات التسريحات للرجال و النساء..






الخطوة الثالثه ~



هني اخترنا اول شكل من اليسار و استخدمناه لرسم تسريحة لبنت
بعد رسم البداية تقدرون تسوون أي تسريحة بس هني اخترنا اننا نسوي تسريحة نصف مسحوبة للورا و النصف الثاني منسدل على الاكتاف ..

ابدؤا برسم الشعر المسحوب الى الوراء من خلف الشعر الذي على الجبهة (القذله)
و اضيفوا الكثير من الخطوط للتأكيد على انه مشدود بقوة و مو مرتخي
ولما ترسمون ذيل الحصان اضيفوا شوية تفاصيل صغيرة مثل الخصل القصيرة عشان تعطيه مظهر حيوي اكثر ..


اخيرا اضيفوا الشعر المنسدل على الاكتاف و تذكروا ان الشعر برغم خفته الا انه لا يزال يتأثر بالجاذبية..







الخطوة الرابعه ~


شعر الرجال يآثر على الشخصية ويغيرها ..فمثلاً
الشعر الطويل الــ ممممم نقدر نقول منسدل وناعم يخليه باين عاطفي او خالي
من الهموم و سعيدا يمكن و الشعر القصير او الشعر المملس الى الوراء يجعل
الشخصية يبدو اكثر رجولة و جادا و ريمكن حتى اكثر عصبية..

اخذوا مثال عن الشعر المنسدل اللي طوله وسط.. مهما كنتم ترسمون شعر قصير او طويل فكلهم يتبعون نفس القواعد..
،ابدؤا من اقدام و اتجهوا بحسب اتجاه التسريحة .واذا كنتم تجدون صعوبة
في تقرير اتجاه الشعر تقدرون تلاحظون شعر الناس اللي حولك او ممثلين
التلفزيون او الانمي ..







الخطوة الخامسة ~



رسم الاجزاء الثانية من تسريحات الشعر :

الحين صار عندكم فكرة مبدئية عن كيفية رسم تسريحات الشعر و راح تشوفون هني بتفصيل اكثر كيفية رسم تسريحات حلوه الشكل:







1-الشعر المتموج و هو منتشر كثير..
العادة يكون عند الناس شعر ملفلف لما يكون قصير بس لما يطول الشعر فـوزن الشعر يسحبه الى تحت ويخليه متمدد (لفاليف تتمدد ) فيطلع بشكل متموج ..
وبعدين اضيفوا شوية تفاصيل صغيرة داخل التموجات عشان يصير الشعر واقعي اكثر..


2-الشعر الملفلف يمكن يكون الاصعب بالرسم بسبب التفاصيل .. اولاص رسم
تجعدات الشعر وبهذا الشكل يمكن نحتاج الى شوية تدريب بس النتيجة تستاهل
التعب ..وثانياً اضيفوا شوية خصل خفيفة ملفلفة بالاطراف لشعر واقعي بنفس
الوقت..


3-المتموج بس مشعث ..اضيفوا خصل متطايرة باتجاهات مختلفة عشان تعطي التسريحة مظهر فوضوي..


هذي الحركه تفيد حق الشخصيه لما تكون طالعه من مطاقق..


4-الشعر السرح او المستقيم وهو منتشر كثير عند الاشخاص الاسيويين بس يمكن فيه عند شعوب ثانيه..
الخصلة على اليسار اهي لشعر سرح بس مقصوص بشكل طبقات له نهاية ناعمة و على
اليمين شعر سرح مقصوص بشكل مستقيم واثنينهم يتبعون نفس المبدأ بس يعطن
للشخصية مظهرين مختلفين حيل..


5-هذه خصل قصيرة تقدرون تضيفونها لتسريحة الشعر عشان تحصلون على تسريحات
مختلفة وفيه بعد بعض اللفاليف اللي تفيد برسم شعر قصير مجعد..


الخطوة السادسه ~



رسم الشعر المضفور ( او المعكوف)واهو بعد واحد من الاشيا الصعبة اللي راح نتعلمنها هني مع شوية اضافات ..







النقاط مكتوبه ع الصور واتبعوها هني ..

1.هذه هي الضفيرة المنتشره اللي تتم بثلاث خصل من الشعر..
اولا ابدأوا من الاعلى (كالعادة) و ارسموا لين اسفل ببطء وارسموا اولا الجهة اليسرى وبعدين غطوها بالقسم اللي فوق..


ملاحظة:
ارسموا خط بالاتجاه اللي تبون تتبعه الضفيرة و بهذي الطريقة راح تطلع الضفيرة اكثر طبيعية و لما ترسمونها بس اتبعوا الخط ..



2.الشعر الملتوي بالنسبة لاغلب الاشخاص هذي التسريحة ما تظل بشكل مناسب بس تطلع حلوه بالرسوم
ارسموا خطوط القسم الرئيسي اولاً بعدين تقدرون ترجعون الى الاعلى مره ثانيه و تغلقون الفتحات ..
و لان رسمها اسهل من الضفيرة تقدرون تستخدمون هذي التسريحة كبديل وراح تعطي نفس التأثير..


3. الكبة او الكعكة و تسوونها بأنكم ما تسحبون ذيل
الحصان كامل من خلال رباط الشعر مما يترك لفة من الشعر بشكل الكعكة و
نهايات الشعر تطيح من الاسفل .. و يمكن اننا نسويها بعد بلف كل الشعر مع
بعض وبعدين نشده .وتذكروا ان للشعر ملمس فلا ترسمون مجرد كورة الا اذا كنت
تقصدون رسم تسريحة غير واقعية..



4. ذيل الحصان الاول من اليسار هو للشعر المتموج و
مقصوص بشكل طبقات وخلوا بعض الشعر اللي فوق ما يوصل لنهاية الاجزاء الاطول
من الشعر..


الصورة الثانية هي لشعر طويل و سرح..تقدرون بعد تخلونه بشكل طبقات بس بهذي
الحالة الخصل الاقصر ما راح تبرز عن باقي الشعر مثل الشعر المتموج..


الضفيرة ، و هي هنا معمولة من ضفر ذيل الحصان ..

والاخيره هذي ذيل حصان حق شباب الانمي..



الخطوة السابعه ~



هذي شوية امثله ممتازه عن كيفية استقرار تسريحات
الشعر المختلفة لاحظوا كم تسريحات مختلفة بس تستقر بنفس الطريقةوفيه بعد
امثلة للشعر المتطاير بالهوا لشعر المتموج و الشعر السرح ولاحظوا ان الشعر
المتموج راح يصير فوضوي اكثر من الشعر السرح بس بآثنينهم راح تلقون بعض
الخصل اللي تطير بعيد عن باقي الشعر ..




والحين الباقي عليكم ..
تذكروا كل ما تدربتوا اكثر كل ما تحسن رسمكم ( و كل ما زاد عدد التسريحات اللي تقدرون ترسمونها وتصممونها)
واسهل شي انكم تخططون في بالكم تسريحة الشعر اللي تبون ترسمونها وتحددون بدايتها و الباقي راح يجي بشكل عفوي..
لا تيئسون اذا ما قدرتوا انكم ترسمونها بشكل صحيح من المرة الاولى ..
بالتركيز والتدريب بتضبطونها بآذن الله ..

وهني انا جبت لكم درس انقليزي للي ما فهم شرحي , وصراحة انا استفدت منه بشكل شخصي..












طبعاً اهم شي التطبيق....
ارسموها معاي حبه حبه وصوروها لو حتى من جوال وارفعوها نشوفها ..
وارجوا ان الدرس حاز ع اعجابكم وسامحونا ع القصور..





</blockquote>