قصة مضحكة

موضوع: قصة مضحكة الجمعة يونيو 22, 2012 8:48 pm

كان يا ما كان في قديم الزمان، ملك عنده ثلاث بنات.
حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك .

البنت من غير تفكير : بحبك قد ما السمك بحب البحر .

الملك فكر وقال في باله : ايهو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجة . وقام اعطاها قصر كبير ومجوهرات .

جاب البنت التانية وسألها نفس السؤال . فقالتله : بحبك قد ما الطير بحب السما . انبسط الزلمة وكيف . واعطاها قصر جنب اختها ومجوهرات

بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة

الزلمة زعل وعصب وقام لفحها كف. ومسكها من شعرها وزتها برة القصر. وما رضي يسمع منها ولا نص كلمة. البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .

ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح وداب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قالبفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة...

مرته مش خافي عليها الصوت ........ قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة

بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟

وفجأة اتذكر بنته الصغيرة وصار يعيط زي الهبايل . قاله الزلمة :. شو مالك يا زلمة

انت العاقل . كل هاد مشان شوية دقة ( زعتر يا جماعة ) هسة الجاج بخلص . قلعطتني ( هاي ما بدها شرح ) . شو. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك يا فالح . ؟؟؟؟؟؟؟

وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد

واعطاها قصرين ومجوهرات و سوبر ماركت و كروز دخان وشغل جوزها ضريب مواس عنده

وتوته توته خلصت الحدوتة....

هذه القصة ملطوشة ..............

وطبعا ... م.ن.ق.و.و.و.و.و.و.ل....... وشكرا..........

يارب تعجبكم

موضوع: رد: قصة مضحكة السبت يونيو 23, 2012 1:30 am

موضوع: رد: قصة مضحكة السبت يونيو 23, 2012 7:15 pm

العفو

موضوع: رد: قصة مضحكة السبت يونيو 23, 2012 7:19 pm

موضوع جميل جدا .......................................... شكرا

موضوع: رد: قصة مضحكة الأحد يونيو 24, 2012 12:08 am

العفو اختي

موضوع: رد: قصة مضحكة الأحد يونيو 24, 2012 12:10 am

شكرا على الردود العطرة

موضوع: رد: قصة مضحكة الثلاثاء يونيو 26, 2012 5:13 pm

احمز احمز ...

مشكووووورزززز على القصة هع هع اتحفتنا ماشاءالله ^___^

ننتظر المزيد ...

موضوع: رد: قصة مضحكة الأربعاء يونيو 27, 2012 6:39 pm

موضوع قمة في الابداع والتميز

ابداع بلا حدود

يسلموووووا على الطرح المبدع

الى الابداع دائما

موضوع: رد: قصة مضحكة الخميس يونيو 28, 2012 4:33 pm

ههههههههههههههههههههههههههه

صراحه قصة حلوة وضحك

شكرا لطرحك اخي بوركت

موضوع: رد: قصة مضحكة الخميس يونيو 28, 2012 7:31 pm

بالكاد فهمت
لكنني لم أفهم تماما زعتر و زيت
زلمة و الدقة
ولو تسلم على القصة
وبجاملك وبضحك

موضوع: رد: قصة مضحكة السبت يونيو 30, 2012 3:29 am

هههههههههههههههه

مشكور اخى وبانتظار المزيد منك

بارك الله فيك

شكرا اخى الفتاك عالتوقيع الرائع

موضوع: رد: قصة مضحكة السبت يونيو 30, 2012 11:07 pm

هههههههه
عنجد قصة بضحك
بس انا اعرف القصة غير هيك
البنت قالت لابوها احبك مثل ما يحب الناس الملح في الطعام
مشكووووووور استمتعت بقراءة القصة

تحية إبدآع متوآصلْ
أحييكـم على روحـكـم آلعطرة وآلمعطآءه للفآئدْة
كآن لي بصمـة إعجآب بين طيآت صفحآتكـم
مع بآقة ورد
\
ننتظر آلقآدم بشوق
كونوآ بخير من أجلكـم
ودي قبل ردي

قصة مضحكة 8486alsh3er