هالزمن آسكت وطنش لآ تسمي آلعيب عيب

بسم الله الرحمن الرحيم

السلام عليكم ورحمة الله وبركاته


هالزمن اسكت وطنش لا تسمي العيب عيب
والنصيحــه خلهـا لك لأأأن محد يسمعك

قول نكته او خرافه يوصفونك ذيب ذيب
ابتسم اضحك وجامل والقوافل تتبعك

مظهرك يا زين جنتل يمدحونك دون ريب
حتى لو فاشل ثيابك ترفعك في موضعك

والدراهم يا عزيزي دامها في كل جيب
طوع امرك سيـدي ورهن هزة اصبعك

لو مديرك شين والا قاسين من غير طيب
حرك السانك وردد دااائماً ما اروعك

لا تهـم الفقر خلي شعــر راسك دون شيب
لو ديـونك الف والا طن ضـم اللي معــك

اكذب الكذبه وصدق واترك الفزعه وسيب
والبس الهيبه وحلق خلي نفسك تخدعك

لا يهم ان كنت عازب والا خاطب والا ثيب
الاهم انك تصارع قبل عمرك يصرعك

الخجل خله لاهله وكرر الموعد وغيب
واكسب اللي دوم يمه تنسعد او ينفعك


يعني يعني باختصار صاحب المبدأ يخيب
خالف الدنيا لأأأأأأنك لو مشتت تجمعك

وهالزمن اسكت وطنش لا تسمي العيب عيب
والنصيحــه خلهـا لك لأأأن محد يسمعك




منقووول