السلام عليكم ورحمة الله وبركاته
اقدملكم موجز ووصف للقنوات العراقية
قناة الرافدين .. يعوزك سيف وجنَك بفلم الرسالة وتحس راح نوصل لامريكا بعد يومين
قناة العراقية ... العراق كمرة وربيع ومسوين مهرجان الطفولة
وجايبن اطفال من الصومال لو مسوين حملة لمكافحة الامية في موزنبيق
وفرحانين ومزئططين والحياة حلوة بس ندفرها
قناة الشرقية .. العراق مشتعل جد جدة ومسوين العراقين كلهم مكادي
واخر شيء كام يوزع باسكلات وفرحانين موزعين فطور على العراقيين وبرنامج ورياء وكذب
قناة البغدادية .. فضحوهم للمسؤولين وطلعت الحكومة كلها حرامية
بس مقدماتها جامعيهن من شوارع الوطن العربي
قناة الفلوجة .. من اشوفهم بودي انصب خيمة واجيب دلة وفناجين واربط بعير بصف الخيمة
قناة الفيحاء ... ماتعرف قناة شعر لو قناة أخبار لو قناة نكات بس خوش مذيعات
قناة بغداد .. جيبولنا واحد نتعارك
قناة الفرات .. ينرادلك علبة ( كلينيكس ) بسبب دموع الايمان وكلها كذب بكذب
قناة الحرية .. الديمقراطية مكطعة نفسها
قناة البابلية .. مامرة تتهنى وانت تشوفها وتبقى تكطع يمكن من الاريل
قناة الحرة عراق .. اعلانهم مال أحصنة ذبحني وجولة بسوق الصفافير
قناة السومرية .. نصها لبناني ونصها عراقي وصاحبها مدري منو وماتعرفها ويا منو
قناة الانبار .. يطلعولنا بهالمشاريع الاعمارية وقبض ماكو
قنوات كردستان .. بس تهلهل وتركص
قنوات العراق الغنائية .. جيبولي مطرب بيهم الكرش مالته ماشعل جده للحزام
وصوت بيهم مايعرعر بداية من عائلة البدر نهاية الى الرسامين والمسافرين والمجروحين والهتليين
الي وصلوا الفن العراقي الى قعر الحضيض بأسم الفن
قناة الديار : بس اتدير القناه المذيع ايفز لان ممصدك واحد يشوفة
وانا لله وانا اليه راجعون
الرئيسية 
