صباحكم مقدسي..
مفتاح تحرير أقصانا الإيمان والمعرفة,,
فلن ننتصر حتى ينصرنا الله, فيجب علينا العودة لدينه والإيمان بقدرته لنصرنا,,
ولن نتمكن من تحرير شيء لا نعرفه ولا نعلمه!
ولذلك وجب علينا التعلم ومعرفة تفاصيل الأقصى والقضية حتى نتمكن
من تحرير أراضينا بإذن الله تعالى
" وينك عن الاقصى "
و هي حملة تابعة لملتقى القدس الثقافي
#موجود بالاردن لشباب الاردن على مواقع التواصل الاجتماعي لنرجع المسجد الاقصى إلى صدارة اهتمامنا جميعا
وهدفنا
تعريف اكبر عدد من الأشخاص بما يحدث في الاقصى وان كل انسان مسؤول عنه .
بدي أأكد ع فكرة انو مسؤولية الاقصى مش بس ع الفلسطينين او الاردنين ، الاقصى
ع عاتق كل انسان لا يقبل بالظلم بغض النظر عن دينه او جنسيه او بلده
مسؤوليتك أن تعرف .. تُسمع صوتك .. تتحرك
بما انو المنتدى الحمد لله فيه مختلف الجنسيات
فهيك رح اتعم الفايدة اكتر
فلو كل عضو ينشر معلومات بسيطة بكل المواقع يلي بعرفها عن الاقصى ويزكر الناس فيه
رح يصير في معرفة اكبر وان شاء الله المعرفة هاي رح اتسير بيوم من الايام عمل
ان شاء الله لما يجي اليوم يلي رح انحرر الاقصى انكون احنا عارفين كل اشي عنو
وازا ما اجا واحنا عايشين ان شاء الله بيجي ع زمن اولادنا
وانعرفهم فيه ونغرس حبه فيهم وازا ما صار ع زمن اولادنا >((( على الاقلية انكون عملنا اشي الو)))
(( والناس يلي بحكو انو عالفاضي ولا حدا بقرأ ، حاول تختار اشي قصير ومثير عشان يكون فيه تشويق للقارئ
وبكل حال يلي بدو يعرف عن بلدو وقضيتو رح يعرف مش محتاج تترجاه ليقرأ
اعمل يلي عليك وبس ، فالفكرة الناس يلي بهمها الموضوع و بدها تعرف رح تعرف
والناس التافهه ولا عمرها رح تسأل فما تستنى من حدا تافه انو يقرأ اشي مهم زي هيكا ، يعني لما اول ما نشرت عن المسجد الاقصى
في كل المواقع يلي بعرفها كان اول رد من شخص تافه مش بالمنتدى " خلينا الاقصى الكم
" حرق دمي يعني اتفه واوقح من هيك ما شفت " بس انا ما خليتلو ههههههه - شرشحته - يعني بهدلته "
فلو سمحتوا الناس المتشائمين والتافهين ما يحبطوني خلي رأيكم لألكم انتو متشائمين خلي تشاؤمكم وسلبيتكم لألكم ما تحبطو ناس بدها اتغيير))
وان شاء الله بنوخد الاجر لكل من اسهم في هاد القسم
وعشان اخلي في نشاط اكبر في القسم ويكون الي بصمة شمييلة في المنتدى قبل التوجيهي ^^
رح يكون في مسابقة
الفكرة بسيييطة ^^
اسئلة عن المسجد الاقصى
رح اتكون خلال اسبوعين كل يوم 3 اسئلة او اقل
وع كل سؤال نقاط والحلو انو مش رح نعتمد عالسرعة مراعاة بالنت البطيء
يعني كل يلي بجاوبو خلال الوقت المحدد رح يوخدو نقاط ويلي بجمع نقاط اكبر رح يفوز
المركز الاول = وسام +توقيع+ مفاجأة شميلةة
المركز الثاني= وسام+توقيعين
المركز الثالث = وسام
وممكن يوخد مثلا المركز الاول اكتر من عضو في حالة تساوي النقاط
وكل يلي بشارك في جوائز طردية شميلةة ^^
اخد الجواب من مواضيع الموجودة في القسم الاقصى
فلا يقبل الجواب إلا بأخذ صورة للجواب في الموضوع + ذكر اسم الموضوع يلي فيه الجواب
يجب الرد ع السؤال برسالة خاصة خلال الساعةة من 4- 5 بتوقيت مكة ألي او ل سايا المرحة
ويا ويلو يلي بوخد الاجابة من جوجل ما رح تقبل أي اجابة بدون تصوير الاجابة من مواضيع المسجد الاقصى
واخيرا
كل الشكر والتقدير لادارتنا العزيزة على فتح القسم وتشجيعي
وللعضو spencer عالفواصل الشمييلة
♥ =)
أتمنى تتفاعلو ((:
لأي استفسار او اقتراح ارسل عالخاص الي ^^
الرئيسية 
¡
