منتديات سبيس باور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات سبيس باور

 
الرئيسيةالرئيسية  أحدث الصورأحدث الصور  التسجيلالتسجيل  دخول  
أفضل 10 أعضاء في هذا الشهر
乂دامي سبيس باور乂
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_rcapروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Voting_barروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_lcap 
Hinataa
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_rcapروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Voting_barروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_lcap 
دراج الشبح
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_rcapروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Voting_barروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_lcap 
alkhaiq99
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_rcapروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Voting_barروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Vote_lcap 

 

 روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة

اذهب الى الأسفل 
5 مشترك
كاتب الموضوعرسالة
ســـــــــاكـــــــــورا
صديق تحت الإختبار
صديق تحت الإختبار
ســـــــــاكـــــــــورا


الأوسمة :
انثى عدد الرسائل : 16
العمر : 23
الإقامة : السعوديه
الدولة : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Soudiarabian
الجنسية : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Soudian
تاريخ التسجيل : 08/11/2014
السٌّمعَة : 0

روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Empty
مُساهمةموضوع: روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة   روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Emptyالأحد نوفمبر 30, 2014 7:59 pm

بسم الله الرحمن الرحيم
انا ألفت هذي الرواية تفضلوا:
البارت الأول..
أحب اعرفكم على نفسي أسمي وعد عمري 19 سنه أبوي كان يعنفنا منذ الصغر وتسبب بقتل أمي وعمري ماتعدى الثلاث سنوات ،عاشنا أنا وأخواني ببيت جدي طول حياتنا عشت في ظل أخوي الكبير وحسيت انه هو كل شيء بدنيتي مقدر على فرقاه لو ثانيه تعلمت منه أكلت من يده
هو كان يهتم فيني ويرعاني أنا وأخوي الصغير ودايم ماكان يقولي "الله يطعني"«معناها الله يجعل اللي فيك فيني، كنت أحب هالكلمه من فمه، أنا جنوبيه الأصل ولكن طول حياتي بالرياض مع جدي وعمامي تربيت معهم أحسن تربيه ولا علي قاصر صح أني فاقده أغلى ناسي أمي وأبوي لكن أشوف الحياه ورديه وكل شيء يستحق الحياه مو يوم شين يعني كل الحياه شينه قستني هالدنيا وخلتني أنسانه تاخذ حقها بيدها ما تطلب من أحد انسانه بارده المشاعر ممكن تحبني وأسحب عليك لأني لاغيه هالأفكار من راسي وأكره جنس الرجال ماعدا محارمي كلهم يستغربون أني دايم أضحك ودايم مبسوطه رغم ظروفي لكن من عادتي كل ما حزنت أشوف الدنيا حولي تضحك حتى لو سبب تافه .
:::
أعرفكم على الشخصيات:
عائله العم سلطان"عرفتوه"
العم سلطان"تسبب بقتل زوجته ولا يزال مسجون"
العمه منى"متوفيه"
راشد (أكبر الأولاد أبيض وطويل وجسمه رياضي بحت شعره ناعم ويجنن عيونه كحيله وملامحه حادة وما تخلى من الحزن عمره 27)
وعد(متوسطه الطول بيضا عيونها واسعه ولونها عسلي شعرها بني فاتح ولنص ظهرها واقرب للعسلي خشمها طويل عظام وجهها بارزه وعليها خصر يفتح النفس مزوحه ودايم بشوشه تكره الرجال كلهم ماعدا محارمها زي اعمامها وجدنها الخ.،. مجنونه وعليها أفكار جهنميه لاحطت شيء براسها تسويه لو عليه رقاب عمرهأ 19)
خالد(طويل برونزي عنده غمازات واضحه ومعطيته شكل يجنن شعره نااعم ولين أذنه عيونه واسعه زي وعد يشبه وعد أككثر بعيونه وشعره والكل يفكرونههم تؤام عمره 18 هادي ومن حاله في باله يكره المشاكل بس يحب يرفع ضغط وعد).
عائله العم سلمان"أخو سلطان"
العم سليمان
العمه خلود
تركي (طويل برونزي وجسمه رياضي وينضرب فيه المثل في القوه والجسم الرياضي عيونه ناعسه وسودا شعره طويل لين أذنه ومسوي عارض بشنبه ملامحه اشبه بالمغروره والمتغطرسه لكن في الحقيقه هو أنسان خفيف دم يخليك تضحك غصب عنك حتى لو معصب أغلب وقته يضحك يجيه أوقات غلط ويمزح بس لا عصب يصير متهور ويفقد وعيه بأي شيء رفيق راشد من أيام الطفوله عمره 27).
نور (طويله ونحيفه عيونها ناعسه وسودا وشعرها نااعم مرهه ويوصل لين ذراعها وتحب تفيره معضم وقتها، هاديه وحبوبه بعض الأحيان تصير نفسيه بس تحب تسوي مغامرات مع الثنائي "رزان و وعد" عمرها 21).
رزان(طويله ورشيقه وبيضا عيونها واسعه ورموشها كثيفه البؤبؤ حقها واسع ولونها أسود مفحم شعرها لين حلقها ولونه أسود ودايم ماتسويه تكسير بنت عم وعد وصديقتها الروح بالروح معها وين ماراحت ووين ماجات لا حزنت تروح لها لاخافت تخبت وراها لا ضاع حقها راحت لها تحب المغامرات عمرها 18).
عائله سليمان"أخو سلطان وسلمان"
سليمان
جنه
بدر (طويل مره أطول الشباب البنات لا شافوه
أنحاشو لانه طويل ومعضل يعني راحو فيها شعره يسويه سبايكي مركب تقويم عليه حركات بايخه ويفكر ان المرجله تجميع حريم والضحك عليهم عمره 25).
عناد(متوسط الطول جسمه يجنن البنات يسمونه مخرفن البنات بحركاته ونظراته انسان لو تحطه بالفرن ما أحتر أعصابه باااارده مره نادرا مايعصب ،يتفهم الأمور ودايم يساعد البنات بمغامراتهم وخبالهم عمره 23).
شوق( متوسطه الطول برونزيه شعرها أسود عيونها بني غامق شعرها بني عودي ورموشها كثيفه رحومه مره بس لسانها طويل ومايسلم منه احد كل تفكيرها بالرومنسيه والحب وهالخابيط عمرها 18).
عائله العم جاسر:
حنان(طويله بيضا عندها غمزات وتضيف لأبتسامتها جماال مو طبيعي شعرها اسود ونااعم بالحيل ومسويته فكتوريا عيونها مو مره واسعه بس اللي يجملها لونها الرصاصي "ماخذتها من أبوها"
رومنسيه لأبعد حد وقارئه ممتازه للروايات فارس أحلامها وهمي وتتمناه بالواقع بس ماتسول لنفسها تسوي زي شوق "تعرفون بعدين" تساعد البنات بخططههم الشرانيه بأفكارها الجهنميه عمرها 22).
سديم (متوسطه الطول وبيضا عندها غمازات عيونها سودا وواسعه شعرها أسود ولين كتوفها جسمها فرنسي ويميزها عن بقية البنات عمرها 20).
:::
باليوم الثاني صحت وعد:
وعد /اوف نسيت أكلم رويشد صموم قلبي اففف مسكتني عيني امس
وقامت وغسلت وجهها وراحت على طول على جوالها
واتصلت على راشد تسألوني وين راشد عنده ملحق له هو وعيال عمه ودايم هو هناك فما تقدر تطمن عليه وكذا
:::
عند راشد وتركي بالملحق
راشد/أسمع بدخل اتروش انتبه لجوالي
تركي/أوك برد على اي احد
راشد/ههههههههههههههه اياني وياك تطقطق على أحد والله لأرفسك
تركي/هههههههههههههههه يمه منك وجع
دخل راشد وما هي ثواني الا ورن الجوال بأسم "صمومة قلبي"
تركي بضحكة مكر/صمومة قلبي أجل ها وتقول ماني راعي ترقيم وهالخرابيط والله لأطقطق عليها
تركي بالأساس صوته يخررررررفن ومختلف عن صوت راشد بس هو مايحس بصوته
وعد /ألو
تركي مو غريب علي هالصوت /هلا
وعد ياربي ذا الصوت مو غريب بس مو صوت راشد هاذا صوته زي خدمة العملاء هع لالا هو راشد بس يتميلح أكيد وقالت بدلع طبيعي/رويشد يأعيوني أنت كيف حالك؟ وش مسوي ؟
تركي /هآآآآآآآآ
وعد بنفس النبره/أقول لا تسوي تميلح وين راشد اللي صوته يهز البيت أقولك شخبارك وش مسوي
تركي بفهاوه/أنا تركي اءء اقصد أنا بخير
وعد يوم سمعت أسم تركي تذكرت صوته دايم الكل كان يمدحه ويقول حلو وهي دايم تناشبه وتذكرت صوته قالت بزفره/ياوصخ قاعد تطقطق علي أعرف انك تركي عطني رشودي ياجعلني اشوفك ترجع من الدوام بعز الحر وتتعطل سيارتك وماتلقى بنشري وتموت حر تحت الشمس بالرياض لين تضطر تقلع ملابسك وبعدها تتصل عليك زوجتك وتقولك بولد وتتورط يالله يارب
تركي بصراخ/ قولي لا اله الا الله قصه هاذي مو دعوه اقسم بالله يادعاوي جدتي أهون منك
وعد/والله عاد هاذا اللي عندي بعدين مين سمح لك ترد على جوال رشودي أنا بس اللي ارد على تلفونه ومسموح لي اما انت تخسي
تركي/ومين أنتي ياحضرت جنابك لا زوجته لا أخته ولا امه
وعد/انطم بس تسوي أنا اللي ماعرفتك أنا وعد ياجاهل السعاده أحمد ربك اني كلمتك بثيت فيك روح السعاده مالت عليك بس عطني رشودي بسرعه ولا يكثر
تركي فز قلببه لما عرف /شدعوه يا ساحرة القلوب انتي ماخذه ترا بنفسك مقلب وبعيدن راشد بالحمام يا أم لسان
لمى بأسلوب استفزازي/ ام لسان بكيفي مو أنت اللي تعلمني كيف أتكلم وبعدين أنا واثقه بنفسي وماطلبت رأيك ماخذه مقلب بنفسي أجل ؟ طس احتفظ برأيك لعمرك ما أحتاجه وسكرت بوجهه
تركي فتح عيونه للاخر/الله الله كل ذا حقد شسويت أنا
:::
وعد/ اففف ليش أنا أكرهه ليش من يومي صغيره ما أطيقه أقول انهبلت أنا أكلم نفسي عشانه وييع بس ويع
واتصلت وعد على حنان
حنان/هلا
وعد/أسمعي حناين"يدلعونها البنات كذا "
حنان/عيوني
وعد/تكفين حناين حاولي تتصلين على البنات واتفقوا تجوني اليوم يله عاد ترا بطق طفش
حنان/بس سواقنا هج وسواقين البنات كل واحد بمشواره
لمى/تكفين حناين تصرفي اليوم ويكند وجدي بالشركه وجدتي تسيير على الجيران وإخواني بهالملحق يعني أجلس لحالي مع الخدامه ترا بسوي زي ذاك اليوم أخذت الشغاله تعلمني رقص هندي
حنان/ ههههههههههههههههههه أوكي بحاول ببدر أو عناد
لمى/حبيبتي والله
حنان/قلبيه انتي يالله بس نمر نور ورزان
لمى/لالا تعرفين رزان ماتطيق لا بدر ولا عناد خلي الله يعيني بكلم تركي دامه عند خشمي يروح يجيبهم الله لا يهينه أشغلته السوالف
حنان /ههههههههههههههههه واحنا مقطعتنا الصقاره علينا أسم ربي
لمى بضحكه/هههههههههههههههه لا أبغى اقولكم شيء حصل لي ضروري وترا اللي ما بتجي بأجيب أجلها للأن الموضوع ضروري
حنان/اوك نجي وأحكي لي كل شيء
لمى/يله أجل باي
حنان/باي
:::
حنان اتصلت على جوال شوق مليون مره ماردت
بعدها أستسلمت ودقت على التلفون
حنان/ألو
بدر مطنقر /نعمم أحد يتصل على الناس الساعه 12 الظهر
حنان/أخطيت أتخير الوقت عشانك بعدين شوف أختك خلها ترد على جوالها بعدين معد نزعج حضرتك
بدر/أختي نايمه بعدين مين أنتي
حنان/نامت عليك عفريته انت وأختك أنا حنان
بدر نقز من مكانه/لحظه لحظه مين
حنان/أنا حنان
بدر تعدلت النفسيه/هلا وغلا شخبارك
حنان ههف رايق ذا/ماني بخير يوم سمعت صوتك قول لأختك ان وعد تقول نجيها اليوم عشان عندها موضوع ضروري وتعرف وعد لو ما سوينا اللي تبي قلبت علينا الدنيا
بدر بفهاوه/هاا..اي..اي
حنان ارتفع ضغطها وحاولت تمسك أعصابها/وشو ايه اسمع انت فاضي ألحين
بدر/أصير لك فاضي ياقميل
حنان وش فيه ذا يفكرني من الأشكال اللي يكلمها /خلاص أجل مرني أنا وسديم لا هنت ولا تحاول تضحك علي بكلامك المعسول تراني بنت ناس ومتربيه وماينضحك علي بساهل <صح انها رومنسيه بحته بس ولو تربية اهلها وخوفها من ربها فوق كل شيء ومستحيل تستسلم لأي كلمه حلوه بسبب بس أنها تتمنى تلقى فارس احلامها .
بدر/ما أضحك عليك
حنان ذا يبغاله تزبيد /المهم مرنا ها لا تنسى بسرعه
بدر/من عيوني
حنان سكرت بوجهه
:::
وعد بنفسها أنا أعرف راشد أذا تروش يطول يارب ماطلع أبغى البنات يجون ههف يله عاد حتى لو رد علي راشد يكون أزين من أذل نفسي
وعد /ألو
تركي/شتبين
وعد/امم أبغى خدمة ياولد العم تكفى قول تم وترا تكفى تهز رجال
تركي لو تبين عيوني ياوعد اهه بس /شتبين طيب
وعد /قول تم أول
تركي تم من زمان يابعد عيني/تم
وعد فرحت وقالت بضحكه وبدلع عفوي/جيب خواتك عندي البنات كلهم بيجون عندي وأبغى أقولهم سالفه مهمه مره وتمسني شخصيا يعني أحتاجهم وتعرف مالي أحد بالدنيا افضفض له غيررهم
تركي ليته فيني ولا فيك متى هاليوم اللي أنا أصير اللي مالك احد بالدنيا غيره بس شقول حب من طرف واحد مافي أمل اصلا تكونين لي/أبشري
وعد /غريبه مو من العوايد
تركي/كلمة رجال قد قلت لك تم
وعد بزلة لسان شققتها الوناسه هع/والله انك أحسن رجال بالدنيا الله يسعدك باي
تركي انصدم بهالكلام أول مره يسمعه منها كل كلامهم مخاصمات ودعاوي عجايز
:::
وعد ههف اش قلت أنا عادي بالغلط بعدين أسلك له خلي يولي بس اخر همي هو أجلس افكر فيه ليش؟ بس يمكن يفهمني غلط! هفف بكيفه يفهم اللي يفهم مسوي أنا توم كروز.
:::
سديم/يوه اشفيك انتي شوي شوي بالسماعه
حنان/قهرني ياسديم
سديم/حناين وش فيك مين ذا اللي قلب نفسيتك لا يكون تكلمين!
حنان/أنا اخاف ربي ومستحيل اسوي كذا
سديم/أجل !؟
حنان/بدر ياسديم رد علي ويفكرني ابغى اكلمه واني ميته عليه وسمعني مغازل ومدري وشو يفكر بيضحك علي
سديم ضحكت/مجنونه أنتي بس عشان كذا
حنان/لا والله عشان ذاك اي كذا
سديم/ياحليلك ياختي طنشي وش بتخسرين بيتركك بحالك لو انطميتي وعامليه بكل رسميه يعني شيء يربطكم سلام عليكم وعليكم السلام بس.
حنان/صادقه قسم واشيل هم عشانه
سديم/والله انك بقرهه اي خليك كذا
حنان تذكرت وصاحت/لاااا
سديم/وصمم انشالله أذني باقي أبغاها
حنان/بركب معاه بعد شوي
سديم قامت وقعدت تضرب حنان /المشكله انك انتي الكبيره لمتى أعلمك ها لمتى
حنان/وشو شفيك تضربين وجع وخري
سديم/لا تعطينه وجه خليك ثقيله يعني طالعي في فراغ امسكي جوالك سولفي معي او مع البنات أعتبري انه سواق هندي
حنان/سديم أحبك
سديم خمتها/وانا بعد <عائله مهستره
:::
بدر انطلق وراح يتكشخ ويلبس ويتضبط ويتعطر
شوي ويدق جواله
بدر/افف شتبي ذي
ميعاد/هلا حوبي
بدر /هلا حياتي
ميعاد/اخبارك
بدر/بخير يوم سمعت صوتك
ميعاد/تسلم
بدر جاه اتصال بنفس الوقت
بدر /لحظه حبي جاني اتصال
ميعاد/خذ راحتك يالغلا
بدر علق مكالمتها وفتح الأتصال الثاني
بدر/هلا ياعمري
خيرية/هلا بقلبيه أنا أخبارك شمسوي
بدر/اهه مب بخير
خيريه/ليش ياعيني
بدر/لأنك ماتسألين عني
خيريه/شسوي حبيبي لازم الدراسه وكذا
"الله يكفينا وياكم "
بدر سكر بوجه الثنتين
بدر/فاضي أنا لهخروفات بقابل الحب الحقيقي اه ياقلبي
:::
تركي طلع للحوش <لحظه خلي أوضح لكم شيء بيت الجد كبير مرهه اللي يشوفه يقول قصر وهو مسوي لشباب ملحق يتونسون فيه ويتجمون فيه وطبعا بعيد عن قسم الحريم بالمره عشان ياخذون راحتهم مع اخوياهم وكذا
دخل تركي لحوش الفله الرئيسي حق العايلة
ولقى وعد تنتظر عند بوابة الملحق
سعرت بصدرة نار أحرقت كيانه وقلبه وراح لها متهور متلف الأعصاب
ومسكها من ذراعها والشرار يتطاير من عيونه
تركي/شتسوين هنا
وعد رمقته بنظره خلته يرخي يده من ذراعها /خير خير اشفيك سلامات
تركي بصراخ سمعه اللي بشارع/لا ياشيخه وش تسوين هنأ
وعد/ارقص سامري
تركي رجع مسك ذراعها ويبغى يدخلها للفله
وعد تبكى تصراخ وهي تضربه بس وش يفيد انها تضربه زي ان نمله تضارب صرور<اهم شيء التشبيه كأنكم ماقريتو
طلع خالد وشاف المنظر اللي قدامه وراح وفك وعد من بين ايديه
تركي حاط بباله انها كانت تبغى تقابل احد من أخوياهم او شيء
خالد بصراخ/هيه هيه شعندك على اختي
تركي/امسك اختك وربها بعدين كلمني
طبعا وعد كانت لافه الشيله على راسها وباقي جسمها باين<مشالله على الحجاب صفقه بالله هع
خالد بصراخ اقوى/أختي متربيه وازين منك بعدين من أنت تمد يدك عليها
وعد في انهيار ماجربت هالأسلوب من زمان ويذكرها هالشي بكثير ذكريات تذكرون أول مامسك تركي ذراعها وشافت عيونه تذكرت أبوها يوم كان يعنفها كانت نفس نظراته ونفس قبضته تذكرت يوم شافت أبوها بالمطبخ ويهزء امها وكان راشد نايم بس هي وخالد اللي شافو هالشي ابوهم رمى بأقوى ماعنده قزازة عصير كانت بالحيل عريضه والقزاز حقها قوي وصقع بأخر راس أمها وأغمي عليها وغرقت بدمها
كانت هالذكريات كفيله بأنها تخلي وعد تتشبث بخالد وترتجف .
خالد خمها لحضنه /أنت يانجس تسوي بأختي كذا من انت علمني
تركي/انا أنسان اخاف على عرضي
خالد /عرضك !وعد مو عرضك انت ماتسوى ظفرها ياكلب
دخل عليهم راشد
راشد/وش فيكم انتو صوتكم واصل لأخر الشارع
انصدم لما شاف أخته بهاذا المنظر تبكي وتتراعد بحضن خالد عرف انها تذكرت شكل امها وهي ميته هي تحكي له كل شيء ويعرف هو كل شيء
راشد عصب/من ذكرها
خالد/دخلت على تركي وهو ماسك ذراعها ويسحبها يبغى يدخلها الفلة
راشد بعصبيه /تركي وش هالتعامل انت تعرف صح ولا لا أنا فهمتك كل شيء وتسوي كذا
تركي بأنفعال مو طبيعي لأي شخص وتبين للكل انه يغار على وعد مو لأنها من أهله شيء ثاني بقلبه/تدري وش شفتها تسوي واقف عند البوابه تنتظر تبغى تشوف حبيب القلب وماتبغاني أغار
خالد بصراخ/ياغبي انت ماتشوف شوف العلاج بيدها ماتشوف
تركي شاف العلاج بيدها وندم وتحسر على تهوره
خالد/انا قلت لها تستناني هنا عشان أخذ علاجي
راشد سحب تركي وطلعو
وعد بصراخ/أكرهك ياتركي أكررررررررهك
تركي انشق بقلبه جرح غير كثير جروح منها خلاص تعب من كثر ماسمع منها سم يمرض قلبه يحبها ولا قادر يوصلها يحبها وتكرهه إلى وين راح يوصلون!
تركي عصب وطلع برا البيت وركب سيارته وهو مو عارف وين يروح
راشد اخذ وعد وهداها
راشد/يله عاد بلا دلع
وعد/لا ياراشد مو من حقه يمسك ذراعي ويسحبني بهالشكل بعدين خفت من شكله وانت تعرف تركي أذا عصب
خالد عرف ان تركي تأثر من كلامها وتضايق من أخته اللي تستهتر بمشاعر الكل
:::
حنان وسديم/السلام عليكم
شوق وبدر/وعليكم السلام
بدر قام يلف المرايه ويتميلح
سديم أكتشفته على طول اما حنان فاهيه ماتدري وين الله حطها غمزت لها سديم وفتحت حنان جوالها وانشغلت فيه
سديم أرتاحت يوم شافت بدر انخم ويحاول يجذبها او يخليها تشوفه وحنان مره ساحبه هي إذا مسكت جوالها خلاص من انستقرام للبيبي للسناب شات للكيك للتويتر <الله لا يشغلنا الا بطاعته
بدر يتنحنح يتحرك يحاول بس تطالعه بس البنت بقوه ساحبه
وش بيصير لحنان وبدر؟
شوق وش عندها من خميره؟
وعد وش سالفتها المهمه؟
تركي هل بيغير مشاعره تجاه وعد؟
ترقبوني بالبارت الثاني يوم الأثنين .
أرآكم واقتراحتكم تفيدني واجد لا تحرموني

البارت الثاني :


وعد مقهوره لأبعد حد وهي صادقه هو متهور ومو من حقه يعاملها كذا
وزود أنها تكرهه يسوي فيها كذا
وعد بنفسها؛ أنا يسوي فيني كذا والله لأخليه يندم ولأوريه كيد الحريم خلي ينفعه مكر الرجال ماعليه أنا وعد اللي لا حطت شيء براسها يصير.
:::
خالد/الا وعد
وعد/خير
خالد/امم أقول يعني رزان بتجي
وعد طالعته بنص عين/لا
خالد نزل عيونه وكأنه متحسف /اها
وعد/ليش تسأل
خالد/لا ولا شيء لا تحطين ببالك
وعد أبتسمت بمكر
خالد/هي إنتي لا تفهمين غلط
وعد/ليش رزان بذات اللي تسأل عنها
خالد/لا أنا سألت بتجي ولا لا اشوف يعني تركي بيرجع عندنا ولا لا لأنه مايرد على جواله
وعد لا زالت مكذبته/طيب وليش ماتقول نور ورزان
خالد توهق/ههف شفيك انتي
وعد/هههههههههه طيب خلاص طبك في قلبي
خالد/وعد انطمي لا أقول لراشد
وعد بلا مباله/قول وش بيسوي يعني
خالد/لا ياوعد انطمي بالله
وعد/خلاص طيب
:::
وصل تركي للبيت وقال لأخواته يتجهزون
تركي:
حالي من بعد كلمة "أكرهك"من فم وعد
خلتني أنسى من أنا خلتني أعيش بين أهلي غريب خلتني أعيش بين اصدقائي عدو
أفكر وأفكر وأفكر ،جسد بدون روح لا أسمع ولا أستوعب حتى أمي أحس اني بس اشوفها ولا أدري شتقول، تمنيت لو تنتهي حياتي قبل ماأسمع كلام وعد ،ترمي الكلام ولا تعرف وش يعني وش بيأثر بالشخص اللي قدامها أنانيه واستفزازية ومغروره
يعني أدوس على قلبي وأكرهها؟ تتوقعون أقدر!
:::
وصلو حنان وسديم وشوق
فتحت لهم وعد الباب ودخلتهم لغرفتها
شوق/عسى ماشر وش هالنفسيه
وعد/أسكتي بس الله لا يوريك
حنان/وعود عيني وش فيك
سديم/وعد جد وش فيك طاح قلبي
وعد/خلو البنات يجيون وأقول لكم
سديم/بنات عمركم شفتو أحد يعزم ولا يضيف ههف تعبت وأعلمك الصقاره ياوعد
وعد ضحكت/أرحميني يا صقره ياللي الصقاره ذابحتك ترا حتى البيض ماتعرفين تفقعينه
سديم/أحفظي ماء وجهتي ياحمقاء
شوق/كأنها تكلم واحد من الجاهليه
حنان/أنها صدق من الجاهليه لا عصير ولا مويه ولا ضيافه ولا ذي ولا ذيك
وعد/طيب طيب يالمفجوعين بجيب لكم بس انطمو
سديم/نشف ريقي تعرفين الرياض بالظهر
وعد/الا ياشوق
شوق/هلا
وعد /شصار مع حبيب القلب الكذاب
شوق عصبت/لو سمحتي وعد مو كذاب
وعد/شوق أقسم بالله يكذب عليك
حنان/صح ياشوق لا تنجرين ورا مشاعرك
سديم/ترا مابينفعك قدام ربي ولا قدام أهلك! تلاقين بعد مايسكر منك يكلم الثانيه وبعدها الثالثه الى ما لا نهايه
شوق/لا هاذا مافيه مثله بالمجره كلها
وعد بأستهتار/المجره كثرتي
سديم/احنا حبينا نعطيك نصيحه وتراك خنتي أهلك وتربيتهم بحركاتك
حنان/لا يغرك شكله او كلامه ترا خلاخل والبلا من داخل
شوق/يووه خلاص ترا طفشتوني جد مطاوعه
حنان/خلوها يابنات في يوم بتتذكرين كلامنا وتندمين
شوق/لا انشالله عيون الحساد تبعد وخلاص
حنان انقهرت وعضت شفايفها يعني هي تحسدها على وضعها/أحسدك على أيش الا الله لا يبلانا
شوق/اهه يابنات اتمنى بواحد يسأل عني لا غبت ويحن لي
سديم/ههههههههههه شفتي ما يسأل عنها يرمي عليها كم كلمه وتذوب هي
وعد/تبغين أحد يسأل عنك ويحن لك
شوق/اي اكيد
وعد/والله لو تغيبين عن أخوانك ان يسألون عنك ويفتقدونك
شوق/هههف خلاص غيرو السيره
:::
كان خالد ينتظر بالحوش
جالس تحت الشمس وبيموت حر ؟ أكيد ينتظر شيء كاايد بقوه
شوي ويدق الباب.
فتح الباب على طول ودخلو رزان ونور سلمو وطلعو رزان لاحظت شيء غريب انتظار خالد المربك تحت الشمس بالحر ذا
رزان/نور انتي اطلعي شوي وأجي
نور/رزان فكينا من مغامراتك البايخه
رزان/انطمي هالمغامره غير
نور /ههف خلاص أنقلعي
:::
سها/تسمعني أبغى يتم اللي قلت لك عليه يوم الخميس الجاي تفهم
ناصر/ماعليك طال عمرك انشالله انفذ كل شيء
سها ضحكت بأنتصار
:::
نور/سلام
البنات/وعليكم السلام
وعد/أختك المهبوله وين
نور/مدري قالت لي أطلع عندكم وهي عندها مغامره غير عن كل مره
وعد شهقت/الخاينه تسوي مغامره بدوني !
حنان/وهاذا اللي همك
سديم/اي والله شكل وراها خميره
وعد/لا وراها طحين
سديم/هاهاها طلبتك لا تعيدينها
وعد/جبهتي وين
نور/ بالسما
:::
رزان بنفسها/لازم القى لي مخبئ ايوه ورا براد المويه . شكل خالد وراه سالفه ، ينتظر تحت الشمس مايحتر ذا
اوهه شيخ بيبتنا لحظه بس شكله ..ايش أرهابي الا والله حتى الرصاص مرصوص بوسطه وحتى البندقيه بس جد وش يبي ؟!
ناصر بهمس بس سمعته رزان/أسمع يوم الخميس بالظهر تلقى السياره تتهرب لسوريا
خالد/الله يجزاك خير ياشيخ
ناصر / أنا شرحت لك البنادق والمسدسات والحزام الناسف أتمنى انك مانسيت شي
خالد/ لا تخاف ياشيخ فاهم وحافظ
ناصر/الله يوفقك أجل بس أسمع مو تهون بعدين
خالد/لا ياشيخ هاذا رضى الله
ناصر/بأذن الله إلى جنته
رزان بنفسها/يا ويلي بيغرر بخالد لالا مستحيل أخلي هالشي يحصل ليش ياخالد ليش !
أخبرك راكد وموزون ياربي شسوي شلون أقنعه ان اللي يسويه يعد انتحار ومنه إلى النار ياربي ساعدني.
طلع الشيخ وكان خالد بيمشي بس رزان نادته
رزان/خالد
خالد لا مستحيل كانت تسمع وش هالورطه/هلا
رزان والدموع بعيونها/خالد لا تسوي كذا
خالد/وشو شسويت
رزان/انت عارف ولا تستعبط ترا سمعت كل كلمه
خالد تغير طبعه بهالحظة وفار دمه وبدا يصارخ/وانتي شعليك بعدين تتسمعين ليش صدق مشفوحه أقسم بالله يارزان لو يعرف أحد بالموضوع يا أنه مايحدني من ذبحك احد شفتي هالرشاش بمخك
رزان لا زاد الموضوع عن حده الا كرامتي /انطم بس شفت شكلك بالمرايه أول أقول لا يكثر تراني بنت رجال وماني جايه أنصحك عشان خاقه عليك او من هاذا الكلام وكل واحد يشوف الناس بعين طبعه أسمعني ياخالد علم يوصلك ترا بس جيت أقولك لأني تذكرت وعد المسكينه كيف حالتها بعدك وصل؟
بعدها رزان انقهرت وقررت تمحيه من بالها لأنه مسوي ان الكل خاق عليه ومره واثق بعمره
أعطته نظره أستحقار وبعدها أنطلقت للفله
:::
خالد:
شسويت أنا ياربي كيف ترضى ألحين هف
خليها بحريقه لازم ارسخ افكاري للجهاد وبس
هاذي شهوات دنيا وماراح أخليها تقرب حتى من تفكيري بأمحيها نهائيا
:::
وعد/شرفتي يانذله
رزان والنفسيه زفت /أقول وعد ورا ماتنطمين ترا واصله
شوق/وش مغامرتك
سديم/اي صح قولي لنا شسويتي
رزان/مالكم دخل
حنان/ههههههههههههههههههه خمه
نور/بقوه
رزان/هف رايقات
وعد/أخطيت أقعد لك قعدت العزا
رزان انطلقت للحمام وهي معصبه
سديم/شفيها ذي عسا ماشر
حنان/خلوها شوي وتهدا
نور حست ان رزان فيها شيء
وعد ماراح أقول سالفه تركي لأن طبه في قلبي وما أبغى اخواته يقولون له/بنات بقول لكم السالفه
البنات/أيوه
وعد/تخيلو يابنات تذكرون سها
حنان/وع اي أذكرها
سديم/وجع يوجعها
وعد/تخيلو أنها جات عندنا المدرسه تهددني أني بأندم
نور بأستهتار/على كيفها هه والله العظيم هي أخر وحده تهدد
شوق/ماعليك منها مريضه ماعرفت شتقهرك فيه قامت تهدد
:::
اليوم الموعود فرحة سها "يوم الخميس"
الجد مشتري باص للبنات يروح كل أسبوع واحد من العيال يجيب كل البنات من جامعاتهم وثانوياتهم عشان يتغدون عنده «الله عليك يالجد تعجبني
بالظهر..
تركي واقف قدام ثانوية البنات طلعت وعد
تركي بأحتقار/بدري
وعد ما أعطته وجه وركبت
تركي: ليش أنا متناقض مرات أحبها وأصير ما أتنفس الا هواها ومرات أكرهها وما أطيق حتى أسمها
أهم أسألتي لقلبي:أنت تحبها؟
متى أعرف الأجابه أنتظرت ياقلبي سنين ولا لقيت رد منك لمتى كذا مايطب عيني النوم ياقلبي لا تعذبني أكثر. حب من طرف واحد نهايته هلاكي؟ أو تناسي وأفتعال ابتساماتي؟ اتوقع واضح مصيري وش بيكون «أحسرني قسم :'(
:::
ناصر/طال عمرك هاذا احنا ورا الباص حقهم
سها/نفذو الخطه بأقرب وقت أبغا البنت هالحين
ناصر/انشالله ياطويلة العمر
:::
من أكثر شخصيه أعجبتك؟
ومن تحس انه بطل الرواية؟
رأيكم بالبارت وانطباعتكم عن روايتي
بالبارت الجاي أحداث كثير بتتغير ،ترقبوني.
الرجوع الى أعلى الصفحة اذهب الى الأسفل
بدّوره
شمس المنتدى
شمس المنتدى
بدّوره


الأوسمة :
انثى عدد الرسائل : 9395
العمر : 22
الإقامة : بّــوِطٌــنٌــيّ الـجَــريّــحً
الدولة : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Palestine
الجنسية : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Palestinian
تاريخ التسجيل : 27/03/2013
السٌّمعَة : 78

روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Empty
مُساهمةموضوع: رد: روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة   روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Emptyالجمعة ديسمبر 12, 2014 12:57 pm

انتي الفتيها معقول والله حلوه كتير وشخصياتها روعه
بس انتي عمرك 14 مش 19
موضوع راقي وجميل الله يجزاك الخير
الرجوع الى أعلى الصفحة اذهب الى الأسفل
جون سلفر
مشرف منتدى المكتبة
مشرف منتدى المكتبة
جون سلفر


الأوسمة :
عدد الرسائل : 4903
العمر : 26
الإقامة : غير محدد
الدولة : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Iraq
الجنسية : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Unknow
تاريخ التسجيل : 25/01/2014
السٌّمعَة : 5

روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Empty
مُساهمةموضوع: رد: روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة   روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Emptyالجمعة ديسمبر 12, 2014 8:39 pm

قصة رائعة اختي الكريمة
لكن مكانها المناسب قلم الاعضاء
هذه مكتبة يعني للكتب فقط








روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة QT098

مشكور اخوية عراقي على التواقيع الروعة
................................................................................................

روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة F89aYl

اشكر ادارتي الغالية على شهادة التكريم . تشرفت بها
الرجوع الى أعلى الصفحة اذهب الى الأسفل
* مسلمة *
مراقبة قسم الفن الملتزم
مراقبة قسم الفن الملتزم
* مسلمة *


الأوسمة :
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة JFyn9Uروايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة 749335370روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة AgW76799



انثى عدد الرسائل : 12874
الإقامة : العراق
الدولة : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Iraq
الجنسية : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Iraqy
تاريخ التسجيل : 11/07/2011
السٌّمعَة : 2

روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Empty
مُساهمةموضوع: رد: روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة   روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Emptyالسبت ديسمبر 13, 2014 6:01 am

السلام عليكم و رحمة الله و بركاته

الرواية جميلة جدا احسنتي التأليف اختي

القصة كانت بلهجتكم خلتني اتعرف عليها اكثر 

شكرا اختي ننتظر جديدك

ننتظر البارت الثاني , موفقة
الرجوع الى أعلى الصفحة اذهب الى الأسفل
نوح القلم
مشرف منتدى افلام الانمي
مشرف منتدى افلام الانمي
نوح القلم


الأوسمة :
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة 1434606867371

عدد الرسائل : 842
العمر : 38
الإقامة : في بلادي
الدولة : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Jordan
الجنسية : روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Unknow
تاريخ التسجيل : 03/12/2009
السٌّمعَة : 1

روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Empty
مُساهمةموضوع: رد: روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة   روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة Emptyالسبت ديسمبر 13, 2014 3:15 pm

السلام عليكم

ما هذا الابداع جميلة جدا بل رائعة روايتك

بوركت أخيتي وبوركت أناملك المبدعة

بانتظار البارت الثاني بشوق

بامان الله








قالوا اعطنا موقعاً نتصفحه قلت اذهبوا لمنتديات سبيس باور وعيشوا البهجة معه
اللهم احم الانبار واهلها من كل حاقد جبان


روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة 7tt4cX
الرجوع الى أعلى الصفحة اذهب الى الأسفل
 
روايـــــــــة الـــــلـــــه يـــــعــــــطـــــيــــنـــي (بقلمي) كـــــامـــــلـــــة
الرجوع الى أعلى الصفحة 
صفحة 1 من اصل 1
 مواضيع مماثلة
-
» شعر بقلمي
» بقلمي من افكاري
» ؟؟؟أين أكتب أسمــــــــــــكـ ؟؟؟بقلمي
» بــــــــــــــلا إحســــــاس .....بقلمي المريــــــــــــر ....
» شعر بقلمي الخاص

صلاحيات هذا المنتدى:لاتستطيع الرد على المواضيع في هذا المنتدى
منتديات سبيس باور :: (¯`·._.·[المنتديات الادبية]·._.·`¯) :: منتدى قلم الأعضاء-
انتقل الى: