السلام عليكم ورحمة الله وبركاته
اسعد الله صباحكم بكل خير
وكل عام وانتم بخير وعيدكم مبارك ~
يالله احس اني قديم ومغبر ههههههه.. حتى ما ادري وش اكتب !!
لمن لايعرفني انا عضو مغبر وانقطعت عن المنتدى من حوالي 3 سنوات الى اكثر
:
دخولي اليوم كان في نتيجه طفش تذكرت ايام هالمنتدى الجميل وقررت اسجل
دخولي اشوف وش الجديد احيي ذكريات هبالي هنا وبسطتي مع الاعضاء هنا فعلاً الاسماء
اختلفت علي وكثير ما اعرفهم بس فرحت لمن شفت اسماء قديمه واعرفها..
لمن دخلت اليوم عرفت انه هالمنتدى كان شيء جميل في حياتي وذكرى
سعيده عرفتني على كثير اشخاص وفيه منهم اللي كونت معه علاقه صداقه قويه ومازلت اتواصل
معاه للآن ^^~
حبيت اشكر المدير على انشائه لها المنتدى وقدرته على اداره من وانا في المنتدى
وللآن انت مدير رائع فعلاً..
كل عضو ومشرف ومراقب شجعني وكان لي داعم وصديق شكراً..
دخلت هالمنتدى وانا ناجح من ثالث متوسط طالع لاولى ثانوي وتواجدي قل او توقف
بعد دخولي الجامعه مع هذا احب اخبركم اني تخرجت من الجامعه بشهاده بكالوريوس
علوم حاسب وهالفتره جالس اخطط لزواجي بعد 4 شهور ..
وصديقي اذا احد يذكره تاسكي قريباً راح ينهي دراسته الجامعيه
والشكر اللي قدمته تاسكي يقدمه لكم برضو ويشكركم من صميم قلبه..
فربي يوفقكم جميعا ويسعدكم دنيا وآخره مثل ماسعدت بكم وبتواجدي معكم
كنتم ذكرى طيبه في شريط حياتي..
شكراً لكم .. وداعاً و في حفظ الرحمن
قرطاس حبر
الرئيسية 
