أميل للعزلة وأبعد عن النّاس
ما بي عيون النّاس تنظر لحالي
ما ابي قلوب الناس تحس باللي بداخلي
قلبي من الأحزان تايه ومنحاس
وعيني تهلّ الدّمع يا عز تالي
ما عدت أواطن عقب فرقاه جلّاس
من حزني ياللّي ما عطاني مجالي
جوّ السّعاده لي تبّدل بالأتعاس
من يوم عني أبعدتك اللّيالي
أصيح باسمك كلّ ماهب نساني
لجت بريحك لي هبوب الشّمالي
وأذرف دموع الوجد وأقول لا بأس
ومن القهر تصفق يميني شمالي
عزّت علي فرقاك يا عديم الأحساس
ما ني عقب فرقاك تايه وسالي
حبّك بقلبي ماله حدود وأقياس
حبّك حياتي وشوفتك رأس مالي
الرئيسية 
