وان نقف بعد سقوط مؤلم

وان نقف بعد سقوط مؤلم

اخطاؤنا لا تساعدنا لا عطاء المزيد

في هذه الحياة لا يوجد خطأ محض , فكل خطأ قد يكسبنا ملذات لا ننتشي عبيرها الا بعد اقتحامنا لـ هذا الخطأ ..
لو لم تكن الاخطاء لها ملذات لما اوجدها الله سبحانه في الحياة الدنيا , ولم يسلم منها بشر سوى محمد صلى الله عليه وسلم , كثرة الاخطاء تدعونا الحافا لـ نستفيد منها ,

وان تمنحنا حيزا اكبر لتحويلها الى مكاسب للجميع ..

عندما نخطي نرى كل الحياه نهايه ولا نراها سوى من الناحيه السلبيه لا نراها بعين الرضا ابدا
الحياه بطولها وعرضها تصبح كـ غرفه معتمه لا نرى فيها سوى المكان الذي وقفنا به ولا نستطيع تقديم المزيد ~

احساسنا بالخطا يشعرنا بالفشل وانتهاء مسيرتنا من الحياه

كثير اقابل ناس بعد اخطائهم والاغلبيه نشوف روحهم منكسره وقابله للكسر
اي كلمه ممكن تقولها لهم بهذي المرحله تاثر فيهم
ولكن لو عرفنا كيف نتعامل مع هالمرحله كان طلعنا منها بايجابيات بدل ما نطلع منها
بـ سلبيات ممكن تهدم كل مستقبلنا

الرسول صلى الله عليه وسلم وهو اطهر من داس على هالارض أخطا وما اعتبر هالخطأ نهايه بالعكس اعتبره مدرسه وتعلم من خطأه وقال : ( خير الخطاؤوون التوابون ) ..~

يعني ان الواحد اذا اخطأ وتاب يصير هالخطأ حسنات بدل ما يصير سيئات تكتب له
الشيطان بهالمرحله يلعب بعقل الانسان ويخليه يشوف نفسه بعين اليأس ويشوف انه ما في
ولا طريق مفتوح له غير طرق الشيطان وهالشي اكبر خطأ
اننا نعطي للشيطان فرصه يلعب بأفكارنا ..~

اكبر الناجحين في كل المجالات مرت عليهم هذه المرحله ولكن بذكائهم عرفوا كيف يطلعون منها

السبب اللي يخلي الانسان يستمر بالخطا هو استسلامه لشيطانه واول ما يوقف عند مكان يصعب فيه حل لـ هذا الخطأ يتخلى عنه الشيطان .. :
( ان كيد الشيطان كان ضعيفا ) ..~

عشان يعيش الانسان حياه هادئه لابد من انه يحاول يقلل من اخطائه
بالقدر اللي يخليه نفسه يمتنع من ارتكاب أي خطا
ويجمع كل الاخطاء اللي سواها بحياته ويدونها ويعرف وش استفاد من كل خطا
وعليه بعد معاقبه نفسه يعاقب نفسه بـ نفسه ويخاف من عقاب ربه قبل أي عقاب ..!

عندما نخطي يجب علينا تصحيح اخطائنا لـ نربي ذواتنا ,
كي تتسع افاقها لـ تربية نشئها القادم ..
وعليه نحن مطالبون بتحديد قائمه ترسم عليها اخطائنا محاطه بـ حجم سلبياتها بمنظور حياتنا المستقبلي ,

و مطالبون ايضا بترتيب الاخطاء و معالجتها على حده ..~
لو ان كل انسان فينا شاف اخطائه ثم دونها ولا استهان بحجم الخطأ وحاول يبدل الخطا بـ انه يتعلم من الخطا !

كان ما شفنا ولا واحد في هذي الحياه يعيش وهو ما يدري ليه يعيش

لان كثير بعد ما يخطون يحسون ان هذه نهايتهم ولا يقدرون يعطون المزيد ولكن النفس لها رب يراقبها وخير انسان هو اللي يراقب اخطاء نفسه
ويتعلم منها ويدون السلبيات اللي كسبها والايجابيات اللي تعلمها من هالخطأ ~

صدقوني بيتولد مفهوم جديد لكل خطأ

بينزرع التفاؤل ونشوف الحياه بعين الرضا بدل ما نشوفها بـ عين السخط !

خطأ من خطأ يفرق بس بالنهايه كلها اخطاء و النفس البشريه مجبوله على الخطأ
مافيه أي انسان في هذي الحياه ما سوى خطأ ولكن اخير واحد هو اللي ياخذ نفسه عن
هالخطأ ويعزم بقوه انه ماراح يرجع له
ويحاول يمنع نفسه من انه ينجرف ورا رغبات نفسه مهما اغواه الشيطآن ~

اذا كنت تشوف نهايه الخطأ نهايه حياتك اقولك .. { بالعكس ~

هذي بدايتك انت تتعلم من اخطائك وتبدأ من جديد لان اللي يوقع بمشكله
بعد أي خطأ شي اكيد انه ماراح يرجع له مره ثانيه
واصراراك وقلاعك عن الخطا هذا لحاله كفيل في تغيير نفسك وذاتك المحطمه من الداخل !

ولكن اخطائنا خير من الف مدرسه اخطائنا تعطينا الامتحان قبل الدرس

احنا بشر ما نرحم

اذا اخطأ احد منا حاسبناه واحيانا استحقرناه

ليه ما نبدل هالشي الى تحفيز ودعم نفسي يخليه يبدأ من جديد وهو يشوف الحياه بعين الرضا
ليه ما نحاول ننسيه انه اخطأ ’
مو كثير ولكن قليل فينا اللي داخله روح التفائل ويحب يعطي من هالروح لكل شخص يقابله ~
اكثرنا متشائمين ونشوف المستقبل بـ خوف
ولكن لو عشنا حاضرنا كان ما خفنا من المستقبل ابد

وربي سبحانه دائماً يجعل كل روح تناظر الحياه بـ المنظار اللي هي اختارته
مافيه سعاده تجي بدون حزن مافي نجاح يجي بدون فشل مافي اراده بدون عزيمه
ما فيه نهايه الا ولها ابواب كثيييير لـ بدايات احسن . !

بعد نهايه كل تعب بدايه فرح من نوع خاص نوع له لذه خاصه مصدرها انت ~

ربي يخلينا نخطي عشان نتعلم ربي يحرمنا عشان يعطينا ما في أي انسان بهالدنيا
يتعلم وهو متوفر له كل شي لازم يحس الانسان بـ لذه التعب عشان يحس انه يسوي شي
في الحياه !

بعد ما نصفي ارواحنا من اثآر الغبار الي التصقت فيها بعد كل تجربه نلتفتت نلاقي
اشياء كثير تسقط ونحس انها كانت تكتم مساحه البياض الداخلي اللي فينا ساعتها نعرف قد ايش ربي راحمنا ..~

يرفعنا عن الاشياء اللي كانت تعمينا عن اشياء كثير وتخلينا نشوف شي واحد بس
نعرف ان نهايه هالخطأ رساله يرسلها لنا رب العالمين تخلينا نشوف الحياه بـ منظار جديد داخله التفائل والرضا
!!

ومضه اعجبتني : تذكر ان هذا اليوم هو الغد الذي كنت خائف عليه الأمس ~

ادعوكم ~
الى تبديل الاخطاء الى نقطه نجاح نبدا من عندها وأي خطأ ننتهي منه نعتبره بدايه جديده لنا ولذواتنا انها تصير احسن

بدل ما نخليه سلاح نقتل فيه انفسنا
وتذكروا ان اكثر البدايات تجي بعد نهايات مظلمه