عشرين شغلة لازم نفهمها كتير منيح :~

عشرين شغلة لازم نفهمها كتير منيح :~

عشرين شغلةلازم نفهمهاكتيرمنيح :
1 - ما حدا بيموت من الحب .. بتتعب فترة وبس
2- انت ابداً مش محور الكون عند حدا
3 - البنت ممكن تتقبل فكرة انو يكون بينك وبينها بلاد وما يكون بينك وبينها بنت غيرها
4 - الشغلة بتنتسى اذا انت بدك تنساها
5 - كل اللي قالوا الزمن بينسيك الماضي ضحكو ع حالن.. الزمن بيلهي .. بياخدك من اي شغلة صارت .. بس وقت الجد بتلاقي حالك متذكر ومتذكر كتير كمان
6 - اغلب الناس بتخاف من نظرة الناس الها ومن كلمة عيب اكتر من كلمة حرام
7- ٩٩٪؜ من الناس بيحكوك بس يكونوا بحاجة الك وبس يصيروا مناح بتلاقيش حدا
8 - مافي بنت بتهتم بحالها ولبسها ومكياجها عشان تعجب الشباب وتجيب عرسان .. هني هيك خلقوا .. جيناتن هيك
9 - الحب مش كذبة .. انت اللي ما لقيت حدا منيح
10 - فيه شغلات لما تضل بعيدة .. بتضل احلى
11 - الرفقة مش بعدد السنين
12 - مافي شغلة اسمها انتي بنت .. الغلط ع الشب والبنت
13 - مافي حدا كامل .. كلنا عنا نقص بس بدرجات
14 - الوعود ما الها شهادة ضمان الوعود كلها كاذبة
15 - معظم قائمة اصدقاء الفيسبوك مجرد ديكور
16 - المصاري مش كل شي بس هي مهمة كتير
17 - الاغاني القديمة احلى
18 - الزواج التقليدي مش دايماً غلط والزواج عن حب مش دايماً ناجح
19- ٨٠٪؜ من الرفقة ما بيوقفوا حدك الا بس بدك تتصور
20 - الاهتمام ما بيصير انو ينشحد