قصة عبوود والنمله تموت من الضحك

السلام عليييكم حبايبي
اخبااااركم يالربع؟؟؟
جبت لكم قصة عبوود والنملهـ
انشاء الله تعجبكم
ثبتوا وجودكم وردوا

قصتي مع النمله..
فيه واحد يقول قصتهـ:
( تموت من الضحك )....
قصه اغرب من الخيال ابقولها وبدون مقدمات انا كنت منبطح بالحوش وقاعد على حصيره جدتي اللله يحفظها
واذاكر عندي اختبار برمجه والماده هذي صعبه بالحيل
وانا داخل جو بالمذاكره واسمع لك هذاك الصوت تقول لي يالاخو يالاخو انا اناظر مالقيت احد وش السالفه؟؟؟
وبرضو الصوت نفسه تقول لي يالاخو يالاخو انا ناظرت تحت ولا هذيك النمله اللي تشر لي وتقول هنا هنا..
انا قعدت اناظر قالت ممكن دقيقه من وقتك انا طبعاً استغربت وقلت سمي آمري
قالت ممكن شوي قلت من عويناتي الزرق!!
عيونه مهيب زررق لاتصدقووون المهم قالت: تكفا يا اخوي عبود ابي تسمع لي
قلت : قولي..
قالت: انا حالتي حاله ولالقيت اللي أقول له مشكلتي
و افتح له صدري!!
-اانا قلت لا لا اعوذ بالله الا هذي؟! ( راح فكره بعيد )

-قالت: لا لا لا لاتفهم غلط
-قلت :قولي..
وقعدت اسمع لها وانا متركي وحاط يدي على راسي قالت لي هالنمله:
انها كانت تكلم صرصور وانه سجل عليها ويهددها وبين فتره وفتره يجيها بمصيبه وانه مصورها وتبيني افكها من شره.
-انا قلت ولا يهمك افا عليك
المهم وانا قاعد اسولف ويا هالنمله جت جدتي تبي الحصيره حقتها انا شلت النمله وحطيتها بمخباتي!
-قالت جدتي [[عبووود]]:
-قلت سمي!
-قالت من كنت تكلم تو؟!
قلت لا لا قاعد اكرر الجمله عشان احفظ التعريف قالت ايه انتو يالشباب ما عندكم سالفه وانتو .. وانتو ...سوالف عجايز لا تشرهون تبي تبين انها تعرف كل شي راحت جدتي وانا طلعت النمله من مخباتي وقلت: لها معذره بس جدتي هذي ما تقدر الحب ..
-قالت: ابكمل ، قلت: كملي. قالت لي وهي تبكي: انها تزوجت من واحد ودرا بسالفتها مع الصرصور وطلقها وانها الحين ام عيال
وانها كانت تراقبني وانا ادرس وانها معجبه فيني وتحبني!!!!
(راح فيها الولد)
انا قلت مشكوره وماقصرتي وقعدنا على هالحال كل يوم العصر اطلع بالحوش واقابلها
ومره شافنا الصرصور وحنا نسولف مع بعض وقال افااااا!؟
تسولفين مع هذا انا اوريك!
وراح...
النمله بكت وقالت يا عبود يا بعد قلبي تكفا فكني منه......طبعاً لاني رقيق مشاعر وحساس ما قدرت اطقه بالنعله___تكرموون__ رحت جبت بف باف مبيد الحشرات!!
(يسوي دعايه لبف باف) !!؟
ولحقته ورشيت عليه؟؟!!
الصرصور هذا اسمه "بوشنب ونص" لان طرف شنبه الثاني مقصوص!
المهم الصرصور ما مات
انحاش وتخبا(إستخبا- توزا- إندس) إختر الجلمة الصحيحة!
بس اصيب باصابات بالغه...
المهم ابو شنب هذا حقد علي انا والنمله وجا للنمله بالليل
وذبح عيالها الصبح !!!!!!
وانا نايم بفراشي يوم الخميس جتني النمله وتقومني وتهزني تقول قم قم يا ولد قم
انا قمت مفجوع ، قالت: يرضيك وهي قعدت تبكي!
قلت: لا لا مايرضيني بس وش....
وبدون مقدمات ولا فاصل اعلاني ولا شي فجأة عطست وفي ظرف ثانيه مدري وين راحت النمله طارت وقعدت ادورها بالغرفه اليييييييين لقيتها مسيكينه لقيتها مكسوره رجلها المهم جبرت رجيلاتها وقالت لي ان هالصرصور ذبح عيالها..
انا مت قهر وقلت لا والله ما اخليه وانا عبود!!
وادور بالغرفه ادور والقا لك هذيك الزبيريه اللي يحبها قلبك
وانقعها بمويه نص ساعه
اليييين طلعت النعله خااااثره- وانتو بكرامه-وادور هذا
ابو شنب واطلع له بالحوش واقول له انت يا ابو شنب اذا انت رجال تعال قابلني!؟
وطلع لي وقال اذا انت رجال تعال وضارب بدون اسلحه!!
قلت: ولا يهمك..
وارمي لك النعله واطيح بالصرصوورر هذا (ابو شنب ونص) ضرب وهو يضربني وانا وياه ضرب هو يضربني وانا اضربه ومافيه الا تفقيييع وجيه وبووووقسسسات الين سمعت النمله تقول لي اذبحه يا [[عبود]] وهذا مهري!!
انا يوم سمعت هذا مهري تشجعت وقلت: هلاااااا واللللللللللللللللللله وانقز لك على بطن هالصرصور واسوي له سوبر سوبليكس خلفي وابطحه
واجيب النعله والفعه فيها لفعه اغمي عليه فيها
والفعه اللفعه الثانيه ولا راسه بجنبه الللللللللللللللللللللللل لللله ذبحت الصرصور وقمت من جثته
وتجيني النمله تبوسني وتضمني!!!
وانا مستحي اول مره تصير لي هالسوالف...
وقالت انت فارس احلامي .... انت حبيبي ونور عيني ... انت
اللي تحميني من الاشرار ... وبعدها النمله طالعت الارض بحياااااء وقالت لي احببك يا [[عبود]]يا بعد عمري!!
انا خقيت ولا ادري ويني فيه وجهي حمر وزغيداتي زرقن
وقلت لها: وانا احبك بعد ولا ما كان ضحيت من اجلك...
وبعدها باستني(حبتني) ونويت انا وياها اننا نتزوج
ورحت اخطبها من خالها وخطبتها وتزوجنا طبعاً هديه زواجها كرتون بفك ابو نص هذا فش فاش اذا تعرفونه!!
يعني تكلفة الزواج كلها مع الطقاقات ما تجي عشره ريال والبيت بخمسه يعني خمسطعش ريال يالله لك الحمد..
النمله هذي انا احبها وهي دايم معي بالجامعة بالبيت بكل مكان دايم اخليها بمخباتي واحط لها بسكوته ولا شي تتونس فيها وبين فترات البريك بالمحاضرات اطلعها واسولف معها وهي تضحك وتسحرني بعيونها واذوب على جمال شعرها الاشقر!؟
واذا جا الدكتور دخلتها في مخباتي..
وعشنا انا وياها وحنا نحب بعض وقررنا ما نجيب عيال الا اذا تخرجت انا من الجامعه؟!
هههههههههههههههه
النمله هذي تحبني حيييييييييييييل تغار علي حتى من امي اذا نادتني..
الله يهنينا ببعض..
ما بديش اطول خير الكلام ما قل ودل ...
ودمتم سالمين...
~~ إنتهت ~~
سبحان الله وبحمده..
سبحان الله العظيم..
منقوله لعيونكمــــ

انا ما اترك الضحك لمدة شهر

مشكوووووووووووووووووووووووووووووور
عالقصة
تقبل مروري

مشكوووووووووووووووووووووووووووووووووووووووووووووووووووور اخوووووووووووي عــ الطلة الحلوة

هههههههههههههههه كح كح
هذه أروع قصة حب سمعتها في حياتي
عن جد أنت بطل يا عبوود
الله يهنيك مع نملتك الفاتنة و يرزقكم البنات و البنين
تقبل مني صرصور مشوي هدية زواجك
هههههههههههههههههه

مشكوورة اختي عالمرور

» لا يفوتكم صور تموت تموت من الضحك
» نكت تموت من الضحك
» صور تموت من الضحك ! !
» اكتر من 100نكتة تموت من الضحك
» شجرة الضحك