اصبر ياوطن شداتك تهون

اصبر ياوطن شداتك تهون
على صوت الانفجار اهلك يفطرون

اصبــر يا وطن شداتك تـهــون
الطبــولـك غفـل بـاجــر يشــردون..

اصبــر ياوطـن يـالكلــك اعجـــــاز
ياخيمـة دفــو وللضيــف ماعـــون..

باجــر ياوطنـة أتخضــر اشمـــوع
ونبنيلك صـرح مـن رمش العيـون..

وباجــــر يا وطن ماتبقــى أيتــــام
وباجــر يـاوطــن كلهــم يكبـــرون..

الجــرح أشمـا كبـــر يتسلــى بالآه
وبجـرحـك جمــر كَامـوا يحطـــون

يالطبعـك شمس ماظمهه كـل غـيـم
بـاجــر بالحصـاد الكـل ينـدمــــون..

كـــل ظنهـــم طحـت ما تكَــدر اتكَــوم
وذيـــاب الغــــدر رادوا يعـيثـــــون..
..

ولأن حيلـك سمـة ماشالتـة الكَــاع
واذا طـاح السمة يتخـربط الكـــون..

صمت مصباحك أحـزان
شعبـك بالقتــل والهـم يصبحــــون!!

وليش انتــه الـوحيـد بشهــر رمضان؟
على صوت انفجار اهلك يفطـرون؟؟

وليش بيا ذنـب لمـن يجـي العيـــد؟؟
هــديـة المـوت عـدنـه لليعيــدون؟؟

اطفـالــك اليـــــوم
صار أول درس عـدهم يلطمـون؟؟

وأطفـال المكَابــر طفــو عـالكَــــاع
بخـدود الــورد كَـامـوا يظهــــرون!!

ولأن كَاعك كَبر ضم هاي الاجساد
صار النخل عـدنـه أيحمل أعيــون!!

جثـة أبــلا هـويــة كتبــوا أعليــــه
وهـذا ابـن الـوطن واجـب يكتبـون..

كلمــن ينـدفــن بتــرابــك ارتـــــاح
وطبـع الليل بالمحـار مــدفــــون..

اذآ واجـب علينــه أنقــدس الكَــاع
وتـرابـك نحـرمة اعـلة اليـدوسون