حبيبي ياعراق

وابجي على ديني ابجي على مذهبي
عل القبلة صار الذبح بيد المخاويني

نذبح بعضنة ذبح والاجنبي المحتل

نتوسلة بالبلديبقة ولا يرحل

السبب خوف الشعب من حرب اهلية
ومن معركة قادمة سنية شيعية
المن يكون النصر والمن يكون التاج
ويا مذهب الينتصر وتحج الة الحجاج

منو ياترة المنتصرلو فاض بينة السيل
والكم ترة المنتصر امريكة واسرائيل
بيه الزمان اندارهذا العراق الحلو
ولونار هسة انطفت تشتعل باجر نار

الليل ذاك الحلو الي جنن ببغداد
اصبح يضيك الخلك وايامة ماتنراد

والماي ذاك العذب ماعاد نفس الماي
روجاتة يبجن دمع واحزان بيهة هواي

الصار بينة وجرة ما يخطرعلى البال
وموكل دمع ينبجي ولا كل حجي ينكال
بسبب وبلا سبب نتكاتل علة المال
ونسينة عدنة وطن وجروح بيه اشكال

هذا العراق الحلو ماغيرة حبينة
وبغداد بيت الاهل البي تربينة
شاف العراق الحلو من الهموم اشكال

ويامة انجرح هل الوطن بس ما بجت عينة
ونصحونة ياما بشر نرحل لغير بلاد
ماعفنة هذا البلد ونحبة ظلينة

انة خايف يضيع البلد مابين هذا وذاك
وشيعوضنة النة الوطن لا مال لا املاك
نحتاج مال الدول اموال تهدينة
بس لو طلبنة وطن يا هو الينطينة

مــــــــــا ميت كبل بس حافظ التابوت
لأن كل مــــــــــــا أنام أتحلم بنعشي
أنــــه مبــلل رموشـــي بدمعة المعتاز
أنه دموع الفرح مـــــــا وصلت لرمشي
وكت الخير عشته ومــا شفت بي خير
صاحولي ملك بس مـــا شفت عرشي...
عندي عيون بس محسوب ع العميان
أنه مفتح ولكن مــــــــا شفت كلشي
أحــلم بالفــرج وأترس الظلـــمه حجار
ظل هواي ليش نكول مــــــا ظل شي

اإتحلمت... والحلم طال
جن كمر بيد الأطفال
والشوارع من حرير
والنخل علوالجبال
كل محب عنده حبيبه
وكل وجه بعيونه طيبه
واحد يصافحالثاني
والخبز لون الأغاني
والبيوت معرسه كلها
وماكو للدمعه مجال
ــــــــــــــــــ
للشاعر الكبير كريم العراقي

عشگناك بكثر مابيك من جروح ومن حبك ولافديوم ملينه
وتعبنه السهر والخوف والدمعات لكن ياوطن ماگلنه شعلينه
ومابعنه القوافي والارض والدين وماعفناك لكن بيك ظلينه

شكرا :. عالتوقيع اللي يجنن

ومن مرك حزن صرنالك احنه ادموع ومن مرك فرح كل احنه غنينه
ولد الملحه گلي شلون هم ننساك غزر حيل ملحك يا وطن بينه
وتاريخك شمس من زاخو حتى الفاو وبس اسمك فقط والله يكفينه

شكرا :. عالتوقيع اللي يجنن

اعجبتني قصيدة من اجل من لهاشم الفهد

اليكم اسطرها الرائعة:

عجبي لمن باع

الحياة

وبلا ثمن

ثم أرتضى الأغراب

تعبث بالوطن

وتقتل الإنسان

وتخرب البنيان

وحلت الفتن

من أجل من

ماذا دهاه

ومن هداه

من أجل من

سفكت دماء الأبرياء

وحل في البلد البلاء

وباتت الأخيار

تبحث عن وطن

من أجل من

منذ قرون

وليلنا مقيم

وبلا نهار

وجاءت البلوى

وتعاهد الأشرار

فخربوا النفوس

وسمموا الأفكار

وأنشئوا ألف جدار

وبغفلة من الزمن

من أجل من

وفتَّحوا الأبواب

واستوردوا الإرهاب

وبلا خجل

ويدَّعون مناضلون

وأنهم مثقفون

لكنهم يا سادتي

قد غاصوا في الوحل

في السر والعلن

يا أخوتي

ذبح العراق

من اجل من

هذه كلمات للشاعر عريان السيد خلف:

ياوطني الموشوم بالقنابل

ياوطن الأشجار والأنهار والجداول

ياوطن الأديان والإيمان والتساهل

ياوطن الأشعار والإصرار والتفاؤل

ياوطن الأيتام والأرامل

ياوطني المقتول والمقاتل!!!

شكرا :. عالتوقيع اللي يجنن

إنزف صبر ياوطن..بيٌـه الك مـٌية جرح

كــلما يهيد الألم بجروحي أذرٌ الملح

أفديك ياوطني لومية مرٌه انذبح

واشرب نخب هيبتك من المسـا للصبح

مثلك محب ما إلي ومثلك جرح ما يصح

شكرا :. عالتوقيع اللي يجنن

كـَلبي على وطنـــي

كـَلبي على وطني وي رشفة الفنجان

وبكل تحيه صبح من حايط الجيران

لو ما انت ياحيرتي ماكان كل ماكان

من غير أرض وأهل ما قيمة الانسان

شكرا :. عالتوقيع اللي يجنن

كــَلبي على وطني وي كل سحابة تفوت

وعن كل بطل ما بخل فوك التراب يموت

وعن كل كـَمر لو ظهر.. وبحزن روحي انتحر

والطير فوكَ الشجر .. ينشد بأعذب صوت

شكرا :. عالتوقيع اللي يجنن

أهواك ياوطني لو جنتك ناري

وانزفلك الدم شعر واهديلك اشعاري

كل يوم نكـَعد سوه واحجيلك اسراري

تفكـَدني من ابتعد وتزورني ابداري

وابجيلك ابلا دمع واشرحلك الجاري

شكرا :. عالتوقيع اللي يجنن

وَحِّد صُفوفكَ
يا عراقْ
لتَهزِمْ الأعْداءْ
والشرُ والبَلاءْ
مَن أوقدوا النارْ
أرادوكَ الحَطبْ
لأنهُمْ جُهلاءْ

لا تبتئس
يا وَطني
مِن أجْلِنا
بَكتْ السَماءْ
يا سيدي
شَعبي عَظيمْ
ويعرفْ الدَواءْ

سَننتصِر

باذن الله
بحِكمةِ الرِجالْ
وعِفةِ النِساءْ
فعُقولنا مُتنوِرَهْ
ونفوسنا مستبشرهْ
ولنا البَقاءْ

يا وطني
لا تصفح عن
مَنْ حَرَمكْ
مَنْ ظَلمَكْ
يا وَطن الأنبياءْ

» حبيبي ياعراق
» حبيبي ياعراق
» متى ترجع ياعراق
» ياعراق اغنيه وطنيه- ستيف راب
» كلمات رووعه لعيونك ياعراق