حبيبي ياعراق

عايش وكلي امل ارجع على داري .....
اغفه على تربته واحجيله اخباري
اشكيله هم الــروح ......
وشكًد حملت اجروح

بالغربه داري السفر واصحابي عا فوني

بغداد احلى وطن بغداد نور العين ....
.محميه دار الاهل وحبابنه الحلوين
بيهه حلمنه سوه .......
.وبليل بعده ضوه

تطلع شمس ياوطن وتكحّل اعيوني

ياناس كافي ظلم كافي قتل وارهاب .....
مو جنه ناكل سوه والباب يم الباب
ماكًلنه هذا شنو ........ولانسأل انت منو

يامذهب وطائفه يادين تردوني

ان جان مسك ظلم اني الظلم شفته .....
وسنين عده جنت كًاعد وعايشته
الراح ولًّـّه وراح ........والظيم كله انزاح

بالزاد خل نشترك خبزك بماعوني

اني عراقي وردت بس ينصلح حالي ....
.ونعيش مثل البشر واسمي يظل عالي
لاهجره لاتسفير .........لاقتل لاتهجير

اخوان كلنه سوه يابويه خي عوني

سمعوني من امدحت
بسم العراق الناس
ولاموني شفت البعض
وكالولي مو مقياس
قابل عراقك نبي
وتراب كاعك ماس

كلتلهم اي من ذهب
وترابي ما ينجاس
هذا العراق الابي
المايوم طخ الراس
وعندي جواب السئل
والراوده الوهواس

يا عراق تحن الك عيني و نهباي
يعاني الگلب لفراگ ونبهاى
تحن لزيارتك روحي وان بهاى
اغـص بعبرتي صبح ومسـيه

كافي يومية نتعارك عل المذاهب..
كافي كلمن لام ربعه
وطالع الغبشة يحارب..

ابنوا فكرة..
رسموا صورة.
خرجوا طالب..
ربّوا للطفله گصايب..

حطّوا ضحكة بوجه كل انسان شايب..
فرحوا جيل بعمره ما يعرف سعاده
ولا تزّيدون الوكت ضيم ومصايب.

الدين ما يحتاج فتوه..
وجنة الله انخلقت لكل طينة طيبه
الجنه مو بس للگرايب..

والله واضح ما يريد الناس تحقد
بس يهمه الناس لو عاشت حبايب..

موضوع: رد: حبيبي ياعراق الأحد يونيو 20, 2021 2:54 pm

بغداد قبل 50 عام

اللهم زد وباركـ
حبيبي ياعراق - صفحة 20 P_676vxtb11

اللهم احفظ العراق ومن فيه