حبيبي ياعراق

حرفٌ بهِ الإحساسُ في الأكوانِ أنشرهُ
بغدادُ ..بغدادُ نبضُ القلبِ ميثاقي
بغدادُ حبي الذي بالسرِّ أكتمُهُ
لكنَّما القول منشوراً باخلاقي
يشتاقُ قلبي لذاك النور في الأُفقِ
حيثُ اللقا هلَّ أقماراً بآفاقي

شعار مجموعة نرقى ليرقى منتدانا

قد طالني الوجدُ والأحزان يا أملي
لولاكِ ما كان للعشاقِ من باقي
عيناكِ بغدادُ في الأشعارِ قافيتي
تشتاقُ للزهر في الزوراءَ احداقي
أهواكِ بغدادُ نفسي في الرُبى كتبتْ
حزناً لحبٍّ غدا قرطاس أوراقِ

شعار مجموعة نرقى ليرقى منتدانا

قد ذكَّرَ النايُ خضرَ الياسِ من وجعي
يا حزنَ بغدادَ في فكري وأعماقي
أمشي وشوقي أرى في الدربِ ينقلني
حيّاً فحيّا ومن سوقٍ لأسواقِ
في شارعِ النهر أمشي يا منى قلبي
والحبُّ قد بانَ في صمتي واطراقي

شعار مجموعة نرقى ليرقى منتدانا

واعدتكِ والهوى في القلبِ احملهُ
والشوقُ قد هزَّ وجدانٍ بإحراق
في جانبِ النهر قربَ الماءِ انتظرُ
اسطورةَ الحُبِّ قربَ الموج رفاقي .

شعار مجموعة نرقى ليرقى منتدانا

شعار مجموعة نرقى ليرقى منتدانا

شعار مجموعة نرقى ليرقى منتدانا

البارحة شفت الوطن بالطيف اجاني البارحه ..
گتله هلا ومية هلا يابو الخيول الجامحه ..
مديت اديه تسالمه شفت الگلب قبل الجفوف يصافحه ....

شلونك گلت ياموطني وظنوني ظلت سارحه ..
وانقطع وسطي منالخجل من الخجل وعيوني ظلت شابحه..
قال اطمأن ياولدي كفتنا هي الراجحه ..

گتله الْيِرد ياموطني لحضنك الدافي تسامحه !! ..
گال اْليِرد وإلْما يِردْوحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقراعلى روحه الفاتحه ..

گتله يبه ياموطني عندي حجي بغزر الدموع المالحه ..
گال احجي گول شما گلت طبع الوطن مثل الابو واجب عليك تصارحه ..
گتله يبه ياموطني ليش انت من دون الدول صاحت عليك الصايحه ؟؟

وليش انت من دون الدول أطفالك الحلوين بالدم سابحة ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟

وليش انت من دون الدول جيرانه كلها تواكحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..

شفته ضحك .. شفته ابتسم لمن حِجى و جاوب اجابه واضحه ..
قال اعتقد يا ولدي .. المشكله مو بالوطن .. المشكله بالحجاج هو الذابحه ..
يبقى الوطن هو الاصل والناس هي الرايحه ..

كفكف دموعك ياولد ادري بغريب الدار شوگه الجارحه ..
وادري بغريب الدار كل ما يِعتلي وكل ماصعد وشْما كسب خسران كل ما رابحه ..
حتى الطيور إلها وطن تهاجر لجل لمن يهزها الشوگ ترجع طافحه ..

وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْوكت يا موطني نحلم وطنا نصافحه ؟؟ ..
وخلاف الوطن تبقى البشر مثل البهايم دايحه ..
والبارحه شفت الوطن بالطيف أجاني البارحه ..

انت العين واقرب من جفنها انت

انت الوالد اليحظن بديه وليدة وبنته

وبالتوحيد انت الشعب كلة بشيعتة وسنته

شعار مجموعة نرقى ليرقى منتدانا

منهو الكال ناسيك هم ينسى الكَمر وكته

لو نبض الكَلب يتنكر لدكته

بس عشكَك عشكَ مفضوح

وعشك الناس كلها مساتر وسكته

شعار مجموعة نرقى ليرقى منتدانا

انت الفارس اليسبق هبوب الريح

وما اظن خيل سابقته

وانت انت يرهم ترابك كحل للعين

ودوا للما شفت علته

ومن طينك نحني جفوف المعرسين

وكل اصبع فرح من تك طكَته

شعار مجموعة نرقى ليرقى منتدانا

انت ينام بيك المرتضى الكرار

ابو الحسنين التلوذ الناس كلها بشارتة وبختة

وانت ينام بيك بكربلاء حسين

الما باع نطاقة وسلم ركَبتة

وبيك ظلت راية العباس

لمن طاح ..... نزلة الفرات وباسة من شفتة

شعار مجموعة نرقى ليرقى منتدانا

من طلعت منك يوم طرني البين

كلبي وياي ماجبتة اثاريني نسيتة هناك عندك كَلبي امنتة

شتلتة بجرف دجلة الخير

وي طين الشواطي شربكَتة

وامتدت عروكَة بوسط ذيج الكاع

ومن ماي الفرات ودجلة عمدتة

شعار مجموعة نرقى ليرقى منتدانا

انت اول وطن ادم وضع جدمة علية وكال يا الله ولنك وصلة من جنته

انت اول وطن حطة النبي ابراهيم ودعا ربة يصونة برحمتة وعزته

وانت اول وطن مرسى لسفينة نوح

وانت اول وطن النبي ايوب ناخت بيك راحلته

شعار مجموعة نرقى ليرقى منتدانا

وانت اول وطن علم العالم ابجدية ويكتب التاريخ

وانت اول وطن قانون سننته

انت اول وطن كالتلة الشمس يمة صباح الخير

انت اول وطن ماتشبة الاوطان

سبحان ربي شلون صورته

شعار مجموعة نرقى ليرقى منتدانا

وانت اول وطن علم العالم ابجدية ويكتب التاريخ

وانت اول وطن قانون سننته

انت اول وطن كالتلة الشمس يمة صباح الخير

انت اول وطن ماتشبة الاوطان

سبحان ربي شلون صورته

شعار مجموعة نرقى ليرقى منتدانا

لمن طحت محد اجى وكال عدعيناك ونزفك مثل دمع الشمع سقته

بقيت وحيد مدمي بساحة الميدان واطفالك عليك بصفك ينوحون

وانت تون ولا مثلك قبل مذبوح ونونته

شعار مجموعة نرقى ليرقى منتدانا

توجيت على جرحك كمت مهتميت

خاف الشامت يشوفك طريح ويشتفي بشمته

طبع بيك المكابر اكبر من الاه (بس)

واكبر من غدرهم يا بختك انته

شعار مجموعة نرقى ليرقى منتدانا

» حبيبي ياعراق
» حبيبي ياعراق
» متى ترجع ياعراق
» ياعراق اغنيه وطنيه- ستيف راب
» كلمات رووعه لعيونك ياعراق