فضفضة وحكي

موضوع: فضفضة وحكي السبت فبراير 18, 2017 5:21 pm

السلام عليكم ورحمة الله وبركاته

شلونكم اخواني الباوريين وصديقاتي الباوريات
ان شاء الله تكونوا بألف خير

طبعا راح ابدي اثرثر لانو محتاجة مساحة احكي بيها عن اللي بداخلي
هسة تعتقدون صايرلي شي كبير بس لا تخافون
ما عرفت شسوي وما لگيت غير المنتدى افرغ بي مشاعري وبشنو احس
ادري راح تگولون هاي حساسة زيادة عن اللزوم وما اعرف شنو بس ما باليد حيلة!
وهالشي ما يتجزأ مني رغم محاولتي اني اتغلب عليه بس ما نجحت
اشياء مبعثرة بداخلي وكلمات مشتتة وافكار ما اعرف شلون ارتبها
ما اعرف اذا تفهموها او لا بس راح اجرب واحكولي النتيجة بالنهاية

مرات افكر بيكم انتو " اعضاء سبيس باور " اقصدكم
لا تستغربون والله مرات يصيرلي ارق من كثر الافكار اللي افكر بيها
اهتمامي بيكم والصراحة احكيها مرات يتعبني ويخربط احوالي
يعني لحد هاللحظة ما عرف شنو سبب تعلقي بيكم ليش هلگد
مرات احسكم تقسون او بدون قصد منكم يصير هالشي
ممكن آني ما فهمت سبب تصرفكم او كنتوا تحاولون توصلون شي بس بشكل غير مباشر وما وصلت فكرتكم

حبي لبعضكم احيان يرهقني ويحمل قلبي فوق طاقته
ومع هذا ادري مو من صالحي هيك اسوي بنفسي
طبعا اذا صدر شي مني او منهم وماكان القصد واضح من احد منا
واحاول افهم اللي صار واغلب المرات احط الذنب على نفسي واحاول الگه عذر او اقنع نفسي انو المقابل مو غلطان بشي
وحتى لو كنت حاسه انو اكو غلط بالموضوع بس مو من جهتي بس احط الحق عليه
صح هالشي يتعبني واحاول انساه بس لخاطر ما اخلي موقف شگد ماكان صغير يأثر على الناس اللي احبهم او احسسهم بشي
يمكن بعضكم يعتقد هذا ضعف بس ما اعرف شنو يتسمى
اعتقد من شدة حبك للشخص مرات حتى لو تعرف بي يكذب عليك تصدقه ونفس الشي يصير وياية

ما اعرف اذا اكو احد بيكم حاس باللي حاسه بي او مجرب هالشي بيوم من الايام
بس يمكن لان ما لگيت ناس يكونون مثل ما اريد ومثل ما احب
ولگيت اللي اتمناه بيكم وحسيت انكم اللي تستحقون كل هالشي
صح ما شايفتكم ولا اعرفكم من قبل مجرد كلمات وواحدنا يشوف الثاني من خلف الشاشات
بس تعلقت بيكم وحسيت كأني اعرفكم من سنين برغم صارلي اربع سنين من مسجلة هنا
ورغم كلشي يصير ابقى متمسكة بيكم وبالمنتدى اللي من خلاله عرفتكم

الشوق يذبحني من تغيبون واحس بوحشة وفراغ كبير
وكأني فاقدة شي عزيز من نفسي بس انتو اللي اخذتوا بغيابكم
مثل شعوري هسة الاغلبية ماكو بس افتر بوحدي هنا وهناك وكأني بمكان مهجور من اهله
تعب وحزن يسكن قلبي لانه مشتاق للي كانوا ساكنين بي ومشتاق لضحكته وياهم من اعماقه
وبكل وقت ادعي ربي انكم تكونوا بخير وما ناقصكم شي وغيابكم هذا كان خير

مرات اتمنى نكون بنفس المنطقة حتى من تغيبون اغيب وياكم وما افتقدكم واحس ببعدكم عني
لانو صعبة عليه هيك الكل يختفي وما يبقى غير كم عضو ينعدون ع الاصابع
والاغلبية الباقين عدهم ظروف سواء كانت دراسة او مرض او غيرها وقليل دخولهم
صرتوا روتين اساسي وشي غالي عندي وما اتخيل حياتي بدون وجودكم بيها
لو شما اسوي ورغم كل الظروف وكلشي يصيرلي لازم افتح المنتدى واشوفكم واطمن عنكم

ما اعرف اذا احد بيكم يبادلني نفس الشعور او نفس الشغلات اللي احس بيها تجاهكم
بس هيك ما عاد اتحمل احبس كل هالاشياء بداخلي وشفتكم انسب ناس افضفض وياهم

اتخيل اكو بيكم ما يقرأ كل اللي كتبته ويطفر اسطر ما اعرف عجز منكم او شنو تسموه
واللي قرأ كل هالثرثرة احييه من قلبي لانو حسسني اني مهمه بيناتكم

اللي حاب يرد اهلا وسهلا بي وكل افرح بوجوده حتى لو بكلمات بسيطة
واللي ما حاب يرد براحته يكفي انو قرأ جزء من كلامي

رعاهم الله إن حلوا وإن رحلوا
وَإن هم فعلوا بالقلبِ ما فَعَلوا
فإنّهم مَلكوا رُوحِي وما تركوا
شَيْئا لروحي سِواهم فيهِ تَنْشغلُ.

موضوع: رد: فضفضة وحكي السبت فبراير 18, 2017 5:58 pm

وعليكم السلام

يا هلا بجروح اللي كلها احاسيس ومشاعر
صراحه انا ماطفرت ولا كلمة من اللي حكيته
واكو اسطر رجعت قريتهم مرة ثانية
هيك حسيت كل كلمة طالعة من قلبك لان كل كلمة دخلت قلبي

انا عني احبك من بعيد واعتبرك صديقتي
لان مشاعري من مشاعرك واشاركك بيها
احب المنتدى وكلمن بيه واهتم للكل لوجودهم ولغيابهم
وكلمن اشوف اهتمامه اكبر احبه اكثر
وانتي جبندة ولك طيبات ويا الكل ولك مكانة بقلبي

موضوع: رد: فضفضة وحكي الخميس فبراير 23, 2017 1:17 pm

هلا والله يعمري سمسومة الوردة نورتيني
تسلميلي حبيبتي هواية فرحتيني انك قريتي كل كلمة حكيتها

وفرحتيني اكثر بمشاعرك الحلوة تجاهي
يشهد ربي انها متبادلة من ناحيتي وآني هم احبك من بعيد
وكلش متمنية اتعرف عليك اكثر واكثر
يسلملي قلبك الحباب وروحك الطيوبة
اشكرك يا قمر اسعدتي قلبي بمشاعرك

موضوع: رد: فضفضة وحكي الخميس فبراير 23, 2017 2:00 pm

وعليكم السلام ورحمة الله تعالى وبركاته

كل هالمشاعر الفياضة والاحاسيس المرهفة بكف
والخلك اللي عندك وكتبتي هالحكي كله بكف
عفية على كيبورد تحملك هههههههههه

موضوع: رد: فضفضة وحكي الأحد فبراير 26, 2017 12:36 pm

اهلا اخي باور الله محييك

هههههههههههههه شعبالك لعد
كان ببالي اكتب بعد بس عيب من الناس شيحكون عليه هههههههه

موضوع: رد: فضفضة وحكي الأحد فبراير 26, 2017 4:23 pm

في كتير من كلامك كان بداخلي

وكتير من احاسيك حسيتها

وكتير من امانيك بقلبي خبيتها

عفية يا بنت انك تقدري تعبري عن اللي جواتك نعمة كبيرة من رب العاليمن

ما بعرف شاحكيلك بس انت اكيد بتعرفي شكدك عزيزية وغالية ع قلبي وقريبة مني

ولما بقصر معك تعي دغري واحكيها بوشي لا تحطي موضوع اقتلك ههههه

عاشت ايدك حياتي بحق اذهلني تعبيرك الصادق واحساسك المرهف

موضوع: رد: فضفضة وحكي الخميس مارس 02, 2017 1:08 pm

اهلين بزهرة الكرز الحلوة
نورتيني يا غالية اهلا وسهلا

فرحت انك تبادليني نفس المشاعر والاحاسيس تجاه الاعضاء
الله لايحرمنا منكم حبي والله انتي وفية للمنتدى
اشكر حياتي وانا ابادلك نفس المشاعر وانتي كلش غالية عندي
تعرفي يعني ماكو داعي اوضح خخ
هههههههههههه ولا يهمك ما احط موضوع تدللي

وايدك العايشة حياتي تسلميلي

» فضفضة وحكي
» فضفضة
» فضفضة في اليأس
» فضفضة صديقين
» فضفضة في لحظات اليأس