العشيرة وابن الشيخ

لعشيرة وابن الشيخ

يقولون اكو عشيرة مات شيخهه وماعنده خلفة بس اوليد شاب صغير علیل مريض ..
اجاويد العشيرة ظلو حايرين ماعدهم شيخ.. او گام كل واحد منهم يريد يصير شيخ وكثرو اليردون الشيخة
گالو احسن شي نروح للفريضة ونسولفله شغلتنه بلكت يگدر يختار النه شيخ..
📃 اجو للفريضة كالوله بالشغلة.. صفنلهه شوية..او گاللهم اليريد يصير شيخ اني اختبره اذا نجح بالاختبار هو يصير الشيخ موافقين؟
گالوله موافقين..گاللهم گومو اطلعو وخل يجيني واحد واحد.. اجه اول واحد گاله شنهي امس وشنهي اليوم وشنهي باجر؟؟هذا ظل يبلع ابريجه ماعرف ايجاوب..گاله اگعد..جيبو الثاني اجه الثاني وسأله نفس السؤال وهم ماعرف گله اگعد..
اجه الاخر والاخر والاخر وكلهم نفس الشي..ماعرفو كلهم..
گال العارفة كلكم خو ماعرفتو گالو اي والله..گال ادري هذا شيخكم كلشي ما مخلف..گالوله مخلفله ولد زغير مريض مايرهم شيخ..
گال جيبو خل اشوفه..جابوه گاله استريح يعمي اجه الولد تخطه الگاعدين كلهم او گعد بصف الفريضة
سأله الفريضه گاله عمي شنهي امس وشنهي اليوم وشنهي باجر؟؟
گال امس ابوي واليوم اني وباجر ابني..👌🏻
هذوله الجاعدين گامو واحد يلتفت على الاخر..

الفريضة گال يغاتي هذا الولد هو شيخكم

👇🏻👇🏻
ا?و واحد یریدایشیخ ابماله اوینعرف صیته
بس عدنه الیحل عشدات شیخ ابطرگ مزویته
عدنه الهلل فهم حاچین الزینه اتعلی شخصیته
اناس اتعرفه الحچایه